އެމްއެމްއޭ ކައިރިން ޒުވާނެއްގެ ކަރަށް ވަޅި ހަރައި، މަރާލައިފި އެވެ.
ރާއްޖެއެމްވީއަށް މައުލޫމާތު ދެއްވަމުން އޭޑީކޭގެ މެނޭޖިން ޑިރެކްޓަރު އަހުމަދު އައްފާލް ވިދާޅުވީ ޒަހަމްވި 19 އަހަރުގެ ފިރިހެނެއް ހޮސްޕިޓަލަށް ގެނެސްފައިވަނީ މިރޭ 7:30 ހާއިރު ކަމަށާއި، ގެނައިއިރު ވެސް ފުރާނަ ހުރި ކަމަކަށް ނުބެލޭވޭ ކަމަށެވެ. ނަމަވެސް މިޒުވާނާ ހޭއެރުވުމަށް ޑޮކްޓަރުން މަސައްކަތް ކުރި ކަމަށާއި މިހާރު އޭނާ މަރުވެފައިވާ ކަމަށް ކަނޑައަޅާފައިވާ ކަމަށް އައްފާލް ވިދާޅުވި އެވެ.
އެމްއެމްއޭ ކައިރިން މިޒުވާނާއާއަށް ހަމާލާދީފައިވާއިރު މަންޒަރު ދުށް މީހުން ބުނީ ވަޅި ހެރީ މިރޭ 7:15 ހާއިރު ކަމަށާއި، ވަޅި ހަރާފައިވަނީ އެމީހާގެ ކުރިމަތިން އައިސް ކަރުގެ މެދަށް ކަމަށެވެ. އެވަގުތު އެމީހާ އެތަނަށް ވެއްޓުނު ކަމަށާއި، ނޭވާ ނުލެވިގެން ތެޅި ގަތްކަމަށް މަންޒަރު ދުށް މީހާ ބުންޏެވެ.
މިމަހުގެ ފަހުކޮޅު މާލެއާއި، ހުޅުމާލޭގައި މާރާމާރީތައް ހިންގުން މިވަނީ އާންމުވެފައިއެވެ. މިމަހު 28 ވަނަ ދުވަހުގެ ރޭމާފަންނު ކޮޅުގައި މީހަކަށް ވަޅިން ހަމަލާދީ ޒަހަމްކޮށްލާފައެވެ.
