ކެމްޕެއިން ދަތުރުފުޅެއްގައި ފައިސަލް ބ އަތޮޅަށް
30 އޯގަސްޓު 2018 | ބުރާސްފަތި 02:26ދެ ދުވަހުގެ މި ދަތުރުފުޅުގައި ފައިސަލް ބ އަތޮޅުގެ އަށް ރަށައް ވަޑައިގަންނަވާނެ
ބ އަތޮޅަށް ފައިސަލް ބުރާސްފަތި ދުވަހު ފުރާވަޑައިގަންނަވާނީ
ގުޅިފައިވާ ސިޔާސީ ޕާޓީތަކުގެ ފަރާތުން މި އިންތިހާބުގައި ވާދަކުރައްވާ އެމްޑީޕީގެ ކެންޑިޑޭޓް އިބްރާހިމް މުހައްމަދު ސޯލިހުގެ ރަނިންގ މޭޓް ފައިސަލް ނަސީމް ކެމްޕެއިން ދަތުރުފުޅެއްގައި ބ. އަތޮޅަށް ފުރައިވަޑައިގެންފިވެއެވެ.
ފައިސަލާއެކު ގުޅިފައިވާ ސިޔާސީ ޕާޓީތަކުގެ އިސްވެރިން ބ އަތޮޅަށް ވަޑައިގަތުމަށް ފުރާވަޑައިގަތީ ބުރާސްފަތި ދުވަހުގެ ހެނދުނުގައެވެ. ދެ ދުވަހުގެ މި ދަތުރުފުޅުގައި ފައިސަލް އެ އަތޮޅުގެ އަށް ރަށަށް ވަޑައިގަންނަވާނެވެ. މި ދަތުރުފުޅުގައި ބ އަތޮޅު ފުޅަދޫ، ފެހެންދޫ، ހިތާދޫ، ތުޅާދޫ، ދަރަވަންދޫ، ދޮންފަނު، ކެންދޫ، ކިހާދޫއަށް އެމަނިކުފާނު ވަޑައިގެންނަވާނެއެވެ.
މި ދަތުރުފުޅުގައި އެމްޑީޕީގެ ޗެއާ ޕާސަން ހަސަން ލަތީފާއި، ކެންދޫ ދާއިރާގެ ރައްޔިތުންގެ މަޖިލީހުގެ މެމްބަރު އަލީ ހުސެއިން، ގާނޫނީ ވަކީލް ހިސާން ހުސެއިން، ޖުމްހޫރީ ޕާޓީގެ ކައުންސިލް މެމްބަރު މުހައްމަދު މަލީހުގެ އިތުރުން އެޕާޓީގެ ސެކްރެޓަރީ ޖެނެރަލް އަހުމަދު ސަމީރު ބައިވެރިވަޑައިގެންނެވި އެވެ.
