ކުދި ވިޔަފާރިތަކުގެ ޓެކްސް، ޖޫރިމަނާ މީރާއިން މާފްކޮށްދީފި

ކުދި ވިޔަފާރިތަކުން ދައްކަންޖެހޭ ޓެކުހާއި ގުޅޭ ހުރިހާ ޖޫރިމަނާއެއް މައާފްކޮށްދޭން މޯލްޑިވްސް އިންލެންޑް ރެވެނިއު އޮތޯރިޓީ މީރާއިން ނިންމައިފިއެވެ.

މީރާއިން ހޯމަ ދުވަހު ނެރުނު ބަޔާނެއްގައި ބުނެފައިވަނީ، ކުދި ވިޔަފާރިތަކަށްދޭ ޚާއްސަ އިނާޔަތައް ދިނުމަށް ހަމަޖެހިފައިވަނީ 27 އޮގަސްޓް އިން 27 އޮކްޓޫބަރުގެ ނިޔަލަށް ކަމަށެވެ.

ކުދި ވިޔަފާރިތަކުގެ ގޮތުގައި މީރާއިން ގިންތިކޮށްފައިވަނީ، އަހަރަކު 10 މިލިއަން ރުފިޔާއަށްވުރެ މަދުން އާމްދަނީ ލިބޭ ފަރާތްތަކެވެ. އެ ފަރާތްތަކުން ބީޕީޓީ ވިތްހޯލްޑިންގ ޓެކްސް، ޖީއެސްޓީ އަދި ގްރީން ޓެކުހާ ގުޅިގެން 30 ޖޫން 2018 ގެ ނިޔަލަށް އަދާކުރަންޖެހޭ އެންމެހާ އިލްތިޒާމްތަކާއި ގުޅޭ ޖޫރިމަނާތައް ލުއިކޮށްދިނުމަށް އެދި، ކަނޑައެޅިފައިވާ މުއްދަތުގައި އެ އޮތޯރިޓީއަށް ހުށައެޅުއްވުމަށް މީރާއިން ވަނީ އިލްތިމާސްކޮށްފައެވެ.

ކުދި ވިޔަފާރިތަކަށް ޚާއްސަކޮށްގެން މީރާއިން މިދިޔަ އަހަރުގެ ތެރޭގައިވެސް ވަނީ މިފަދަ ކެމްޕެއިނެއް ކުރިއަށް ގެންގޮސްފައެވެ.