ބުރާސްފަތި 18 ޖުލައި 2019
04 ފުސް
1440 ޒުލްގައިދާ 15
ފަތިސް 04:43
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ދުނިޔެ - ޖެކްސަންވިލްގެ ހަމަލާ

ޖެކްސަންވިލްގެ ބަޑީގެ ހަމަލާ: ވީޑިއޯ ގޭމް މުބާރާތެއްގެ ތެރެއަށް ދިން ހަމަލާގައި ދެ މީހުން މަރާލައިފި

  • ހަމަލާދީފައިވަނީ އުމުރުން 24 އަހަރުގެ ޒުވާނެއް

އަބުދުﷲ މުހައްމަދު
8Abbo

ކ. މާލެ 27 އޯގަސްޓު 2018 | ހޯމަ 07:29 2,365

ފްލޮރިޑާގެ ޖެކްސަންވިލް ލޭންޑިންގ ކޮމްޕްލެކްސްގެ ބޭރުގައި ފުލުހުން - ފޮކްސް ނިއުސް

ފްލޮރިޑާގެ ޖެކްސަންވިލްގެ އެންޓަރޓެއިންމެންޓް ކޮމްޕްލެކްސްއަކަށް އާދީއްތަ ދުވަހު ހަވީރު މީހަކު ބަޑިން ހަމަލާ ދީ ދެ މީހުން މަރާލައިފިކަމަށް ފުލުހުން ބުނެފިއެވެ.

ހަމަލާދިން މީހާގެ ނަމަކީ ޑޭވިޑް ކޭޒް ކަމަށް ފުލުހުން ބުނެފައިވާއިރު އޭނާއަކީ ބަލްޓިމޯރގެ ޒުވާނެއްކަމަށް ފުލުހުންވަނީ ބުނެފައެވެ. އުމުރުން 24 އަހަރުގެ އެ ޒުވާނާވަނީ ބަޑިޖެހުމަށްފަހު އެ ތަނުގައި ހުރެ އަމިއްލަގަޔަށް ބަޑިޖަހައި މަރުވެފައެވެ.

ހާދިސާގައި ތުހުމަތުކުރެވޭ އިތުރު މީހެއް ފެނިފައެއް ނުވެއެވެ. މިހާދިސާގައި 11 މީހަކުވަނީ ޒަޚަމްވެފައެވެ.

މި ހަމަލާ ދީފައިވަނީ، ފިހާރަތަކާއި،ފުޑް ކޯނަރ ތަކާއި މުނިފޫހިފިލުވުމުގެ ހަރަކާތްތައް ކުރިޔަށްގެންދާ ޖެކްސަންވިލީ ލޭންޑިންގައި ވީޑިއޯ ގޭމް މުބާރާތެއް ކުރިޔަށް ގެންދަނިކޮށެވެ.

ކޭޒް ބޭނުންކޮށްފައިވަނީ ވަން ހޭންޑް ގަން އެއްކަަމަށަށް މިހާތަނަށްކުރި ތަހުގީގުން އެނގިފައިވާކަމަށް ފުލުހުން ބުނެއެވެ.

އޭނާ ބަޑިން ހަމަލާދިނީ މުބާރާތުގައި އޭނާ ބަލިވުމުން ނުކުމެ ކަމަށް މީޑިއާ ރިޕޯޓްތަކުގައި ބުނާ ބުނުން ފުލުހުން ކަށަވަރެއް ނުކޮށްދެއެވެ.

މި ފަހުގެ އަހަރުތަކުގައި ފްލޮރިޑާގައި ބަޑީގެ ވަރުގަދަ ހަމަލާތަކެއް ދީފައިވެއެވެ. އޭގެތެރޭގައި އޮލާންޑޯގެ ނައިޓް ކްލަބެއްގައި ހަމަލާދީ 49 މީހުން މަރާލި ހާދިސާއާއި، ޕާކްލޭންޑްގައި ހުންނަ މާޖޮރީ ސްޓޯންމަން ޑަގްލަސް ސްކޫލްގައި މިި އަހަރުގެ ފެބްރުއަރީގައި ހިނގި 17 މީހުން މަރާލި ހާދިސާހިމެނެއެވެ.

 

 

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް