ބުދަ 02 ޑިސެންބަރު 2020
06 ދޮށަ
1442 ރަބީޢުލްއާޚިރު 16
ފަތިސް 04:40
އިރުއަރާ 05:56
މެންދުރު 11:59
އަސްރު 15:20
އިރުއޮއްސޭ 17:54
އިޝާ 19:11
ސްޕެއިންގެ ގައުމީ ޓީމް

ސްޕެއިންގެ ގައުމީ ޓީމުން ޕީކޭ ރިޓަޔާކޮށްފި

  • އޭނާ ވަނީ ސްޕެއިންގެ ގައުމީ ޓީމަށް 102 މެޗު ކުޅެދީފައި

ކ. މާލެ | 12 އޯގަސްޓް 2018 | އާދީއްތަ 12:29 | 4,142

ސްޕެއިންގެ ގައުމީ ޓީމުގެ ޖާޒީގައި ޕީކޭ - ގެޓީ އިމޭޖާސް

ބާސެލޯނާގެ ޑިފެންޑަރު ޖެރާޑް ޕީކޭ ރަސްމީކޮށް ސްޕެއިންގެ ގައުމީ ޓީމަށް ކުޅުން ހުއްޓާލިކަން އިއުލާންކޮށްފިއެވެ.

މީގެކުރިން ވެސް ޕީކޭ ވަނީ މިއަހަރު ރަޝިއާގައި ބޭއްވި ވާރލްޑް ކަޕަށްފަހު ސްޕެއިންގެ ގައުމީ ޓީމަށް ކުޅުން ހުއްޓާލާނެ ކަމަށް ބުނެފައެވެ. އެހެން ނަމަވެސް ސްޕެއިންގެ ގައުމީ ޓީމާއި ބާސާގެ ކުރީގެ ކޯޗު ލުއިސް އެންރިކޭ ހަވާލުވުމާއެކު އޭނާގެ އެ ނިންމުން އަނބުރާ ގެންދާނެ ކަމަށް ބެލެވުނެވެ.

ނޫސްވެރިންނާއި ވާހަކަ ދައްކަމުން ޕީކޭ ބުނީ ވާރލްޑް ކަޕަކާއި ޔޫރޯއަކަށްފަހު ސްޕެއިންގެ ގައުމީ ޓީމާއެކު އޭނާ ލިޔަމުންދިޔަ ވާހަކަ ނިމުމަކަށް އައިސްފި ކަމަށެވެ. އަދި ލުއިސް އެންރިކޭ އާއި އެވާހަކަ ހިއްސާކުރި ކަމަށާއި އެ ނިންމުން ބަދަލުނުކުރާނެ ކަމަށް ވެސް ޕީކޭ ބުނެފައިވެއެވެ. ވާރލްޑް ކަޕަކަށްފަހު ގައުމީ ޓީމަށް ކުޅުން ހުއްޓާލުމަކީ އެންމެ ރަނގަޅު ގޮތް ކަމަށާއި ގައުމީ ޓީމާއެކު ވަރަށް ހިތްގައިމު ތަޖުރިބާތަކެއް ކުރިވިފައިވާ ކަމަށް ޕީކޭ ބުނެފައިވެއެވެ. އޭނާ ބުނީ ކޮންމެ ކަމަކަށް ވެސް ނިމުމެއް ގެންނަން ޖެހޭ އުސޫލުން މިއީ ވެސް އެ ނިންމުން ނިންމަން އެންމެ ރަނގަޅު ވަގުތު ކަމުގައި ދެކޭ ކަމަށެވެ.

މިއަހަރުގެ ވާރލްޑް ކަޕްގެ ދެވަނަ ބުރުން ސްޕެއިން ކެޓުމާއެކު ބާސާގެ ކުރީގެ ކެޕްޓަން އަންދްރޭސް އިނިއެސްޓާ ވެސް ވަނީ ގައުމީ ޓީމަށް ކުޅުން ހުއްޓާލާފައެވެ. ޕީކޭ އަދި އިނިއެސްޓާ ވެސް ރިޓަޔާ ކޮށްފައިވާއިރު އެހެން އެއްވެސް ކުޅުންތެރިޔަކު ރިޓަޔާކޮށްފާނެ ކަމުގެ އިޝާރާތެއް ދީފައެއް ނުވެއެވެ. 

ސްޕެއިންގެ ގައުމީ ޓީމުގެ ދުނިޔޭގެ ފުޓްބޯޅަ ޑޮމިނޭޓް ކުރިއިރު ޕީކޭ ވަނީ އެޓީމުގެ ޑިފެންސްގައި މުހިންމު ދައުރެއް އަދާކޮށްފައެވެ. އޭނާ ވަނީ ސްޕެއިންގެ ގައުމީ ޓީމަށް 102 މެޗު ކުޅެދީ 2010 ވަނަ އަހަރުގެ ވާރލްޑް ކަޕާއި 2012 ވަނަ އަހަރުގެ ޔޫރޯ ފުޓްބޯޅަ މުބާރާތް އެގައުމާއެކު ކާމިޔާބުކޮށްފައެވެ. 

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އަހުމަދު ފައިރޫޒު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.