ގާނޫނު އަސާސީގެ އިންފާރުތައް ބަލިކަށި ވެއްޖެ، އިސްލާހުތަކެއް ބޭނުންވޭ: ފާއިޒު
8 އޯގަސްޓު 2018 | ބުދަ 06:19ގާނޫނުއަސާސީއަށް 10 އަހަރު ވަނީ ފުރިފައި
ކުރީގެ އުއްތަމަ ފަނޑިޔާރު އަހުމަދު ފާއިޒު ހުސައިން
އާ ގާނޫނުއަސާސީގެ 10 އަހަރުގެ ތަޖުރިބާއަށް ބަލާއިރު، ގާނޫނު އަސާސީއަށް އިސްލާހުތަކެއް ބޭނުންވާ ކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒު ހުސައިން ވިދާޅުވެއްޖެއެވެ.
އަންގާރަ ދުވަހަކީ 2008 ވަނަ އަހަރުގެ އޮގަސްޓު މަހުގެ ހަތް ވަނަ ދުވަހު ތަސްދީގުކުރި އާ ގާނޫނުއަސާސީއަށް 10 އަހަރު ފުރުނު ދުވަހެވެ.
ފާއިޒުގެ ފޭސްބުކްގައި ވިދާޅުވެފައި ވަނީ ގާނޫނުއަސާސީއަށް 10 އަހަރު ފުރުނުއިރު، ކުރެވުނު ތަޖުރިބާއަކީ ގާނޫނު އަސާސީގައި ހުރި އުނިކަންކަމުގެ ސަބަބުން ގާނޫނުއަސާސީއަށް ލެވިފައިވާ އިންފާރުތައް ބަލިކަށިވެފައިވާ ކަމަށެވެ. އެގޮތުން ގާނޫނުއަސާސީގެ މަގުސަދަކަށްވެފައި އޮތް ބާރުތައް ވަކިކުރުމާއި ޗެކް އެންޑް ބެލެންސް ނިޒާމު ބަލިކަށިވެފައިވާ ކަމަށް ފާއިޒު ވިދާޅުވިއެވެ.
އޭނާ ވިދާޅުވީ ގާނޫނުއަސާސީ ހަދަނީ ހާލަތާއި ވަގުތައް ރިޔާއަތްކޮށް، އެ ބައެއްގެ އަސާސަށް ހެދުމަށް ކަމަށެވެ. މިހާރު އޮތް ގާނޫނުއަސާސީ އެކުލަވާލީ ދިގު ވެރިކަމަކަށް ޖާގަ ދީގެން، ބާރުތައް މަސްހުނި ކޮށްގެން ކުރީގެ ގާނޫނުއަސާސީތަކުން ކުރެވުނު ތަޖުރިބާގެެ މައްޗަށް ބަލައިގެން ކަމަށް ފާއިޒު ވިދާޅުވިއެވެ.
