ގުޅިފައިވާ ސިޔާސީ ޕާޓީތަކުގެ ކެމްޕެއިން ހަރަކާތަށް ކުރިއަށް ގެންދިއުމަށް ތ. އަތޮޅު ތިމަރަފުށީ އަންހުންގެ ޖަގަހަ އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ހުޅުވައިދެއްވައިފިއެވެ.

ހޯމަ ދުވަހު ހަވީރު ތ. އަތޮޅަށް ކުރައްވާ ދަތުރުފުޅު ނިންމާލެއްވުމުގެ ގޮތުން އެ އަތޮޅު ތިމަރަފުއްޓަށް ވަޑައިގެން އިބޫ ވަނީ ގުޅިފައިވާ ޕާޓީތަކުގެ އިސްވެރިން ވަނީ ތިމަރަފުށީ އަންހެނުންގެ ޖަގަހަ ހުޅުވައިދެއްވާފައެވެ. އިބޫ ތިމަރަފުއްޓަށް ވަޑައިގެންނެމުން އެރަށު ބަނދަރު ސަރަހައްދަށް ގިނަ އަދަދެއްގެ ރައްޔިތުން ޖަމާވެ، އެމަނިކުފާނަން ވަނީ ޙޫނު މަރުޙަބާއެއް ދަންނަވާފައެވެ. އިބޫ އަށް މަރުޙަބާ ދެންނެވުމުގެ ގޮތުން ކިނބިދޫ ދާއިރާގެ ރައްޔިތުންގެ މަޖިލީހުގެ މެމްބަރު އަބްދުﷲ ރިޔާޒުގެ އަނބިކަބަލުންނާއި ރިޔާޒުގެ އާއިލީ ބޭފުޅުން ބަނދަރު ސަރައްދަށް ވަޑައިގެންވިކަން ފާހަގަކޮށްލެވެ.

ތިމަރަފުށީ ބަނދަރު ސަރަހައްދަށް މަރުޙަބާ ދެންނެވުމަށް ވަޑައިގެންނެވި ރައްޔިތުންނާ އެކު އިބޫ ދެން ހިންގަވާފައި ވަޑައިގެންނެވީ އެމްޑީޕީ އަންހެނުންގެ ޖަގަހަ ހުޅުއްވައިދެއްވުމަށެވެ. އެ ޖަގަހަ ހުޅުއްވައިދެއްވުމަށް އިބޫއާއެކު އަދާލަތު ޕާޓީގެ ނާއިބު ލީޑަރ ޑރ. ހުސެއިން ރަޝީދާއި، އަދާލާތު ޕާޓީގެ ނާއިބު ރައީސް އަލީ ޒާހިރުގެ އިތުރުން، ރައީސް މައުމޫންގެ އަރިހުގައި މަސައްކަތް ކުރައްވާ ރައްޔިތުންގެ މަޖިލީހުގެ މެމްބަރު މުހައްމަދު ވަހީދު (ލޯޔަރު ވައްޑޭ) ބައިވެރިވަޑައިގެންނެވިއެވެ.

ތ. އަތޮޅަށްގެ ރަށްތަކަށް އިބޫ ކުރެއްވި ދެ ދުވަހުގެ ދަތުރުފުޅު ނިންމާލެއްވުމުގެ ގޮތުން އެ އަތޮޅުގައި ބާއްވާ ބޮޑު ޖަލްސާ މިރޭ 9:30 ތިމަރަފުށީ އެމްޑީޕީ ހަރުގެ ސަރަހައްދުގައި އޮންނާނެވެ. މި ދަތުރުގައި އާދީއްތަ ދުވަހު އިބޫ ވަޑައިގެންނެވީ އެ އަތޮޅު ގާދިއްފުއްޓަށާއި، ގުރައިދު، މަޑިފުށީ، ވިލިފުށި، ހިރިލަންދޫއަށެވެ. އެއަށް ފަހު ހޯމަ ދުވަހު އެމަނިކުފާނު ވަނީ އޮމަދޫ، ވޭމަންޑޫ، ކިނބިދޫ، އަދި ތިމަރަފުއްޓަށް ވަޑައިގެންފައެވެ.

މިރޭގެ ޖަލްސާގައި ތިމަފުށީގައި ބާއްވާ އިރު، އެ ދާއިރާގެ ރައްޔިތުންގެ މަޖިލީހުގެ މެމްބަރު މުހައްމަދު މުސްތަފާ، ރައްޔިތުންގެ މަޖިލީހުގެ މެމްބަރު ފައްޔާޒު އިސްމާއިލް، ރައްޔިތުންގެ މަޖިލީހުގެ މެމްބަރު މުހައްމަދު ވަހީދު، އަދި ރައްޔިތުންގެ މަޖިލީހުގެ މެމްބަރު އިމްތިޔާޒު ފަހުމީގެ އިތުރުން އެމްޑީޕީގެ ނާއިބު ރައީސް މުހައްމަދު ޝިފާޒާއި ޖުމްހޫރީ ޕާޓީގެ ނާއިބު ރައީސް ޑރ. މައުސޫމް ފަދަ ބޭފުޅުން ބައިވެރިވަޑައިގަންނަވާނެވެ.

ތިމަރަފުށީ ރައްޔިތުން ދެކޭ ގޮތުގައި ރައީސް ޔާމީންގެ ސަރުކާރަށް ނޫނެކޭ ބުނުމަށް އަތުކުރި އޮޅާލައިގެން އެންމެ ފުރަތަމަ ނުކުންނަން ޖެހޭ ރައްޔިތުންނަކީ އެރަށުގެ ރައްޔިތުންނެވެ. ރައީސް ނަޝީދު ވެރިކަމުގައި އެރަށުގައި 78 ހެކްޓަރުގެ ބިން ހިއްކައި އެއާޕޯޓު އެޅުމުން، އެމަނިކުފާނު މިނިވަންކުރުމަށް ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު، އިބޫއަށް ވޯޓުދޭން ޖެހޭ ކަމަށް އެމްޑީޕީގެ ސަޕޯޓަރުން ބުނެއެވެ.

މީގެ އިތުރުން ރައްޔިތުންގެ މަޖިލީގައި އެ ދާއިރާ ތަމްސީލުކުރައްވާ މެމްބަރު މުހައްމަދު މުސްތަފާގެ ގޮނޑި ގެއްލިފައިވާ ކަމަށް ބުނެ ރައީސް ޔާމީންގެ ސަރުކާރުން މުސްތަފާއަށް އެދާއިރާގެ ރައްޔިތުންގެ އަޑު މަޖިލީހުގައި އިއްވުމަށް ހުރަސް އަޅާފައި ވާތީ ވެސް އިބޫއަށް ވޯޓުދޭން ޖެހޭ ކަމަށް ގަބޫލުކުރާ ރައްޔިތުން ވެސް އެރަށުގައި އެބަ ތިއްބެއެވެ. އަދި ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒަކީ އެރަށު މާޖެހިގެއަށް ނިސްބަތްވާ ބޭފުޅަކަށް ވާއިރު، ރިޔާޒަށް ދެމުންދާ ނުޙައްގު އަނިޔާތަކުން މިންޖުކުރުވުމަށް ވެސް އިބޫއަށް ވޯޓުދޭންޖެހޭ ކަމަށް ދެކޭ ގިނަ ރައްޔިތުންތަކެއް އެބަ ތިއްބެވެ.