ޓެކްސް ނެގުމުގައި ގަވައިދުން ޓެކްސް ދެއްކި 17 ކުންފުންޏަކަށް ރަން ލާރި އެވޯޑުދީފިއެވެ.

ރަން ލާރި އެވޯޑު ދީފައިވަނީ ދައުލަތުގެ ޓެކްސް އިދާރާ މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ އަށް ވަނަ އަހަރީ ދުވަހުގެ މުނާސަބަތުގައި ބޭއްވި ހާއްސަ ޖަލްސާގައެވެ.

އެވޯޑް ލިބުނު ކުންފުނިތަކުގެ ތެރެއިން އެންމެ ގިނައިން ބީޕީޓީ ދެއްކި ކުންފުނިތަކަކީ ޓީއެމްއޭ އާއި މޯލްޑިވްސް އިންފްލައިޓް ކޭޓަރިން ލިމިޑެޓް އާއި އުރީދޫއެވެ. ޓޫރިސްޓް ރިސޯޓުތަކުގެ ތެރެއިން ޝެވަލް ބްލޮންޑް ރަންދެލި އާއި ފޯ ސީޒަން ލަނޑާގިރާވަރާއި ވަން އެންޑް އޮންލީ ރީތި ރަށްވެސް ހިމެނެ އެވެ. ޓްރެވެލް އޭޖެންސީތަކުގެ ތެރޭގައި ކްރައިން ޓުރާސް ޕްރައިވެޓް ލިބިޑެޓާއި ހުޅުލޭ އައިލެންޑް ހޮޓެލް އާއި އޯޝަން ގްރާންޑް ހިމެނެއެވެ. މީގެ އިތުރުން ފޯ ސީޒަންސް އެކްސްޕްލޯރާ ސަފާރީއެއް ހިމެއެވެ.

މީގެ އިތުރުން ޑީ ބްލޫ މެރިން އާއި ކޮޕިއާ ޕްލަސް ޕްރައިވެޓް ލިމިޓެޑައި ބޭންކް އޮފް މޯލްޑިވްސް އާއި ދިރާގަށްވެސް ވަނީ ރަން ލާރި އެވޯޑު ވަނީ ދީފައެވެ.

މީރާއަށް ދައްކަން ޖެހޭ ޓެކްސްތައް ދެއްކުމުގައި ގަވައިދާ އެއްގޮތަށް ޓެކްސް ދައްކާ ކުންފުނިތައް ފާހަގަކޮށްފައިވާ އިރު ފަތުރުވެރިކަމުގެ އެކި ވިޔަފާރިތަކާއި ކުދިން އަދި މެދުފަންތީގެ ވިޔަފާރިތަކައި ބޭންކް ޕްރޮފިޓް ޓެކްސް އާއި ވިތްހޯލްޑިންގ ޓެކްސްގެ އިތުރުން ސަރުކާރު ހިއްސާވާ ކުންފުނިތަކުގެ ތެރެއިން އެންމެ ގިނައިން ޓެކްސް ދައްކާފައިވާ ފަރާތްތަކަށް ވަނީ އެވޯޑް ހަވާލުކޮށްފައެވެ.