މާލޭގެ މަގުތަކުގައި ބަހައްޓާފައި ހުރި ފުލުހުންގެ ސީސީޓީވީ ކެމެރާތައް ބްލޮކްވާ ގޮތައް ބެނާއާއި ދިދަފަތި ފަދަ ތަކެތި ދަމަމުން ގެންދާތީ ސަލާމަތީ ކަންކަމަށް ދަތިވާކަމަށް ފުލުހުން ބުނެފިއެވެ.
ފުލުހުން އަންގާރަ ދުވަހު ނެރެފައިވާ ބަޔާނެއްގައި ބުނެފައިވަނީ މާލޭގެ ސަލާމަތީ ކަންކަން ބެލެހެއްޓުމުގެ ގޮތުން މާލޭގެ އެކި ސަރަހައްދު ތަކުގައި ފުލުހުން ހަރުކޮށްފައިވާ ސީސީޓީވީ ކެމެރާ ދަނޑިތަކުގައާއި ކެމެރާގެ މަންޒަރު ގެއްލޭ ގޮތައް ބައެއް ފަރާތްތަކުން ކެމްޕެއިން ބެނާއާއި ދިދަފަތި ދަމާފައި ހުންނަކަން ވަނީ ފާހަގަ ކުރެވިފައި ކަމަށެވެ. އަދި އެކަމުގެ ސަބަބުން މާލޭގެ ސަލާމަތީ ކަންކަން ބެލެހެއްޓުމަށް ފުލުހުން ކުރަމުންދާ މަސައްކަތްތަކަށް ހުރަސްއެޅި ދަތިތަކާ ކުރިމަތިވަމުންދާކަމަށްވެސް ފުލުހުން ވަނީ ބުނެފައެވެ.
ފުލުހުން ބުނީ މާލޭގެ ސަލާމަތީ ކަންކަން ބެލެހެއްޓުމަށް ފުލުހުން ކުރަމުންދާ މަސައްކަތްތަކަށް ހުރަސްއެޅޭގޮތައް އެއްވެސް ފަރާތަކުން ޢަމަލްތައް ނުބެހެއްޓުމަށާއި ފުލުހުން ހަރުކޮށްފައިވާ ސީސީޓީވީ ކެމެރާ ދަނޑިތަކުގައާއި ކެމެރާގެ މަންޒަރު ގެއްލޭގޮތަށް އެއްވެސް އެއްޗެއް ހަރު ނުކުރުމަށް އިލްތިމާސް ކުރާ ކަމަށެވެ.
މިއަހަރުގެ ސެޕްޓެމްބަރު މަހުގެ ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގެ ކެމްޕެއިން ފެށިފައިވާއިރު ޕީޕީއެމުން މިހާރު ވަނީ މާލޭގެ ބައެއް މަގުތަކުގައި ހުރަހަށް އެޕާޓީގެ ދިދަފަތި ދަމާފައެވެ. ބައެއް ދިދަފަތި އައްސާފައިވަނީ މަގުބައްތި ހަރުކޮށްފައިވާ ހޮޅިދަނޑިއާއި ފުލުހުންގެ ސީސީ ޓީވީ ކެމެރާ ހަރުކޮށްފައި ހުންނަ ދަނޑިތަކުގައިވެސް އައްސާފައި ހުރެއެވެ.
