ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ދުނިޔެ - މޮބައިލް މިސްކިތް

ޖަޕާނުން އުފެއްދި މޮބައިލް މިސްކިތަށް މުސްލިމުން މަރުހަބާ ކިޔައިފި

  • މޮބައިލް މިސްކިތް އުފެއްދީ 2020 ގައި އޮންނަ އޮލިމްޕިކް ކުޅިވަރު މުބާރާތަށް އަމާޒުކޮށް

އަރުޝަމް އަބްދުލް ޢަޒީޒް
arushams

ކ. މާލެ 28 ޖުލައި 2018 | ހޮނިހިރު 11:09 7,962

ޖަޕާނުން އުފެއްދި ފުރަތަމަ މޮބައިލް މިސްކިތް - ގޫގުލް

އަޅުކަންކުރާ މިސްކިތްތައް މަދު ޖަޕާނުގައި 2020 ވަނަ އަހަރު ބާއްވާ ސަމާ އޮލިމްޕިކްސް އަށް، އެ ގައުމަށް އަންނަ މުސްލިމުންނަށް ޚާއްސަކޮށްގެން އުފެއްދި މޮބައިލް މިސްކިތްތަކަށް މުސްލިމުންގެ ބޮޑު ތަރުހީބެއް ލިބި މަރުހަބާ ކިޔައިފިއެވެ.

ޓޯކިޔޯ ސްޕޯޓްސް އެންޑް ކަލްޗަރަލް އިވެންޓްސް ކޮމްޕެނީން ބުނީ އެ މިސްކިތް އުފެއްދީ 2020 ވަނަ އަހަރު އެގައުމަށް ޒިޔާރަތް ކުރާނެ މުސްލިމުންނަށް އެންމެ ފުރިހަމައަށް މެހްމާންދާރީ އަދާކުރުމަށް ކަމަށެވެ.

އެ ގައުމަށް އެ އަހަރު ޒިޔާރަތް ކުރާ މުސްލިމް މެހެމާނުންނަށް އެކަށީގެންވާ އަދަދަށް ޖަޕާނުގައި މިސްކިތް ނެތުމުގެ ބިރު އެބަ އޮތް ކަމަށް ވެސް އެކުންފުނިން ވަނީ ބުނެފައެވެ.

އެ ކުންފުނިން ބުނީ މޯބައިލް މިސްކިތްތައް އޮލިމްޕިކްސްގެ އެކި ވެނިއުތަކުގައި ބޭނުން ކުރެވޭނެ ކަމަށް އުއްމީދުކުރާ ކަމަށެވެ.

އެ ކަމަށް ޚާއްސަކޮށް ތައްޔާރުކުރާ ފުރަތަމަ މޯބައިލް މިސްކިތް ވަނީ މި ހަފުތާގައި، ޓޮޔޯޓާ ސްޓޭޑިއަމްގެ ބޭރުގައި ދައްކާލައިފައެވެ. ފަންސަވީސް ޓަނުގެ "ރިކްރިއޭޝަނަލް ވެހިކަލް" މިސްކިތުގެ ދެ އަރިމަތި ބޭރަށް ނެރެފައިވާ އިރު 48 އަކަމީޓަރުގެ ޖާގަ ލިބެއެވެ.

އެ ވެހިކަލްގައި ގާއިމްކޮށްފައިވާ މިސްކިތުގައި ގާތްގަނޑަކަށް 50 މީހުންނަށް ނަމާދު ކުރެވެއެވެ. ވެހިކަލް މިސްކިތުގެ ބޭރުގައި ވަނީ ވުޟޫކުރާ ތަނެއް ވެސް ހަދާފައެވެ.

ޖަޕާނުގައި ގާތްގަނޑަކަށް 100،000 އާއި 200،000 އާ ދެމެދުގެ އަދަދަކަށް ދިރިއުޅޭ މުސްލިމުންގެ އިތުރުން މުސްލިމް ފަތުރުވެރިންނަށް އޭގެ ޚިދުމަށް ވަރަށް މުހިއްމުވާނެ ކަމަށް ވަނީ ބެލެވިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް