އިބޫ އާއި ފައިސަލް ކެމްޕެއިން ކޯޑިނޭޓަރުންނާ ބައްދަލުކުރައްވައިފި

ގުޅިފައިވާ ސިޔާސީ ޕާޓީތަކުގެ ފަރާތުން އިންތިހާބުގައި ވާދަކުރައްވާ، ގުޅިފައިވާ ސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހާއި އެމަނިކުފާގެ ރަނިންގ މޭޓް ފައިސަލް ނަސީމް ކެމްޕެއިންގެ ކޯނޑިނޭޓަރުންނާ ބައްދަލުކުރައްވައިފިއެވެ.

އަންގާރަ ދުވަހު މެންދުރު ސޯލްޓް ކެފޭގައި ކުރިއަށް ދިޔަ މި ބައްދަލުވުމުގައި ކެމްޕެއިން ކޯޑިނޭޓަރުންގެ ގޮތުގައި އެމްޑީޕީ އާއި، ޖުމްހޫރީ ޕާޓީ އާއި. އަދާލަތު ޕާޓީ އާއި، ރައީސް މައުމޫންގެ ފެކްޝަންގެ މެމްބަރުން ބައިވެރިވި އެވެ.

ކެންޑިޑޭޓާއި ރަނިންގ މޭޓް ކެމްޕެއިން ކޯޑިނޭޓަރުންނާ ބައްދަލުކުރައްވަނީ

މި ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައި ވަނީ ކެމްޕެއިން ކުރިއަށް ގެންދާނެ ގޮތާއި، ކެމްޕެއިން ވަރުގަދަ ކުރުމަށް ކުރެވިދާނެ ކަންކަމާ ގުޅޭ ގޮތުންނެވެ. މައުލޫމާތު ލިބިފައިވާ ގޮތުގައި ގުޅިފައިވާ ސިޔާސީ ޕާޓީތަކުން އަތޮޅުތަށް ކުރާ ކެމްޕެއިން ދަތުރުތައް އަންނަ ހަފްތާގައި ފަށާނެވެ. މި ދަތުރުތަކުގައި އިބޫ އާއި ފައިސަލް ބައިވެރިވަޑައިގަންނަވާނެވެ.