ހުޅުމާލޭގައި މިއަދު ވެސް ޒުވާނަކަށް ވަޅިން ހަމަލާދީ ޒަހަމްކޮށްލައިފި
21 ޖުލައި 2018 | ހޮނިހިރު 17:28ޒަހަމްވެފައި ވަނީ 29 އަހަރުގެ ފިރިހެނެއް
ހުޅުމާލެ ހޮސްޕިޓަލް: ފާއިތުވި ތިން ދުވަހު ވެސް ވަނީ ވަޅީގެ ހަމަލާތައް ދީފައި
ހުޅުމަލޭގައި މިއަދު ވެސް މީހެއްގެ ގަޔަށް ވަޅިން ހަމަލާދީ ޒަހަމްކޮށްލައިފިއެވެ.
ރާއްޖެއެމްވީ. އަށް މައުލޫމާތު ދެއްވަމުން ހުޅުމާލޭ ހޮސްޕިޓަލް ހިންގާ އާސަންދަ ކުންފުނީގެ މީޑިއާ އޮފިޝަލް އާޝިޔާ ސޯލިހް ވިދާޅުވީ، 29 އަހަރުގެ ފިރިހެނެއްގެ ގަޔަށް ވަޅި ޖަހައިގެން ހުޅުމާލެ ހޮސްޕިޓަލްގައި ފަރުވާ ދޭން ފަށާފައިވާ ކަމަށެވެ.
އެމީހާ ހޮސްޕިޓަލަށް ގެނެސްފައި ވަނީ މިއަދު 16.00 އާއި 16.30 އާ ދެމެދު ކަމަށް ވެސް އާޝިޔާ ވިދާޅުވިއެވެ.
ހުޅުމާލޭގައި ރޭ ވެސް ވަނީ ޒުވާނެއްގެ ގަޔަށް ވަޅިހަރައި ޒަހަމްކޮށްލާފައެވެ. އަދި ބުރާސްފަތި ދުވަހުގެ ރޭ ވެސް މީހަކަށް ވަޅިން ހަމަލާދީފައި ވެއެވެ.
އޭނާގެ ބުރަކަށީގެ ފަސް ތަނަކަށް ވަޅިން ވަނީ ހަމަލާދީފައެވެ. އާޝިޔާ ވިދާޅުވީ، އެ ޒުވާނާގެ އެކްސްރޭއެއް ނަގައި، ލިބިފައިވާ ޒަހަމްތަކަށް މިހާރު ފަރުވާދެމުން އަންނަ ކަމަށެވެ. ހުޅުމާލޭގައި މިއަދު، 29 އަހަރުގެ ޒުވާނަކު ޒަހަމްކޮށްލާފައިވާއިރު ރޭ ވެސް ޒުވާނެއްގެ ހަތް ތަނަކަށް ވަޅި ހަރައި ޒަހަމްކޮށްލާފައި ވެއެވެ. އެ ޒުވާނާގެ ހާލު މިހާރު ރަނގަޅު ކަމަށް އާޝިޔާ ވިދާޅުވިއެވެ.
