ހަ މަސްވަންދެން ކަވާންގެ ތައްޔާރީ ރޮށި ހިލޭ ލިބޭ ޕްރޮމޯޝަނެއް
4 ޖުލައި 2018 | ބުދަ 15:03ޕްރޮމޯޝަން ނިމޭނީ ޖުލައި 30 ގައި
ކަވާނީ ބްރޭންޑްގެ ބައެއް އުފެއްދުންތައް
ހަ މަސްވަންދެން ކަވާން ބްރޭންޑް ގެ ތައްޔާރީ ރޮށި "ހިލޭ" ލިބޭ ޕްރޮމޯޝަނެއް ލިލީ އިންޓަނޭޝަނަލްއިން ފަށައިފިއެވެ.
އެ ކުންފުނިން ބުނީ ރޯދަ މަހުން ފެށިގެން ޖުލައި 30 ވަނަ ދުވަހުގެ ނިޔަލަށް ކުރިއަށް ގެންދާ އެ ޕްރޮމޯޝަނުގައި ކޮންމެ މީހަކަށް ވެސް ބައިވެރި ވެވޭނެ ކަމަށާއި ކުރަން ޖެހޭނެ ކަމަކީ ކަވާން ބްރޭންޑްގެ އުފެއްދުމެއް ގަނެލުންކަމަށެވެ. އޭރުން އެ ޕްރޮމޯޝަންގައި ބައިވެރި ވުމަށް ކޫޕަން ލިބޭނެ ކަމަށާއި ލަކީޑްރޯ ފޮއްޓަށް އެ ލުމުން އެބޭފުޅަކު އޭގައި ބައިވެރި ވެވުނީ ކަމަށެވެ. އެ ކުންފުނިން ބުނީ ގުރުއަތުން ހޮވޭ އެ ޕްރޮމޯޝަންގެ ނަސީބުވެރިއަކަށް ހަ މަސް ވަންދެން ކަވާން ބްރޭންޑް ގެ ތައްޔާރީ ރޮށި "ހިލޭ" ލިބޭނެ ކަމަށެވެ.
މަޝްހޫރު ކަވާން ބްރޭންޑްގެ އުފެއްދުންތަކަކީ ފާއިތުވި 12 އަހަރު ލިލީ އިންޓަނޭޝަނަލް އިން އެތެރެކޮށް ވިއްކާ، ދިވެހިންގެ މެދުގަ ވަރަށް މަގުބޫލު އުފެއްދުންތަކެކެވެ. އަދި އެ ބްރޭންޑްގެ އުފެއްދުންތައް ފަސޭހަ ކަމާއެކު ތައްޔާރު ކޮށްލެވޭއިރު އާންމުން ދަނީ އޭގެ ރަހަތަކަށް ތައުރީފު ކުރަމުންނެވެ.
ކަވާންގެ ޕްރޮމޯޝަން ކުރިއަށް ދަނީ ލިލީ އިންޓަނޭޝަނަލްގެ ދެފިހާރައެއް ކަމަށްވާ މާލެއާއި ވިލިނގިލީގައި ހުންނަ ސްޓޮޕް އެންޑް ޝޮޕްގެ އިތުރުން މާލޭގެ އެންމެ ބޮޑެތި 11 ސުޕަމާކެޓްގައި ކަމަށް އެ ކުންފުނިން މައުލޫމާތު ދެއެވެ. އަދި އެ ޕްރޮމޯޝަން އިން ހޮވޭ ފަރާތަކަށް ކަވާންގެ 6 މަހުގެ ކޮއްތު ދޭނީ އެއްބުރުން ނޫންކަމަށާއި ނަސީބު ވެރިފަރާތް ބޭނުންވާ މިންވަރަށް ކަމަށެވެ.
