ރަންވީރާއި ދީޕިކާގެ ކައިވެންޏަށް ޝާހުރުކް ޚާން އާއި އަރުޖުން އިޓަލީއަށް!
ކައިވެނި ކުރުމަށް ހަމަޖެހިފައިވަނީ އިޓަލީ އާއި މުމްބާއީ ގައި
ރަންވީރު ސިންގް އާއި ދީޕިކާ ޕަދުކޯން
ބޮލީވުޑްގެ ދެތަރިން ކަމަށްވާ ދިޕިކާ ޕަދުކޯން އާއި ރަންވީރު ސިންގް ލޯބީގެ ގޮތުން ގުޅިގެން އުޅޭ ވާހަކަ ދެކެވެމުން ދާތާ ވަނީ ފަސް އަހަރު ވެފައެވެ.
ނަމަވެސް މި ދެތަރިންވެސް އެކަމާއި ގުޅޭ ގޮތުން އެއްޗެއް ބުނެފައެއް ނުވެއެވެ.
"ޕަދްމާވަތީ"ގެ ލީޑް ރޯލުން ފެނިގެން ދިޔަ މި ދެތަރިން މިއަހަރުގެ ނޮވެމްބަރު މަހުގެ 10 ގައި ކައިވެނި ކުރުމަށް ހަމަޖެހިފައިވާ ކަމަށް ޚަބަރުތައް ބުނެއެވެ. މި ދެތަރިންގެ ކައިވެނި ކުރުމަށް ހަމަޖެހިފައިވަނީ އިޓަލީ އާއި މުމްބާއީ ގައެވެ.
މި ކައިވެނީގެ ހަފްލާއަށް ރަންވީރުގެ ގާތް ރަހުމަތްތެރިއެއް ކަމަށްވާ ބޮލީވުޑްގެ ތަރި އަރުޖުން ކަޕޫރާއި ދީޕިކާގެ ގާތް ގުޅުމެއް އޮންނަ ޝާހުރުކް ޚާން އިޓަލީއަށް ދިއުމަށް ހަމަޖެހިފައިވާ ކަމަށް ޚަބަރުތައް ބުނެއެވެ.
މިދެތަރިންގެ ކައިވެނީގެ ހަފްލާ އިޓަލީ އާއި މުމްބާއިގައި ބޭއްވުމަށް ނިންމާފައިވާއިރު މިދިޔަ އަހަރުގެ ޑިސެމްބަރުގައި ކައިވެނި ކުރި ބޮލީވުޑްގެ ތަރި އަންޝްކާ ޝަރްމާ އާއި މަޝްހޫރު ކްރިކެޓް ކުޅުންތެރިޔާ ވިރާތް ކޯލީގެ ކައިވެނީގެ ހަފްލާވެސް ބާއްވާފައިވަނީ މި ދެ ގައުމުގައެވެ. މީގެ ކުރިން ރާނީ މުކްރްޖީ އާއި އޭނާގެ ފިރިމީހާ އަދިތްޔާ ޗޯޕްޅާވެސް ކައިވެނި ކޮށްފައިވަނީ އިޓަލީގައެވެ.
ދިޕިކާ އާއި ރަންވީރުގެ ކައިވެނީގެ ތައްޔާރީތައް ފަށާފައިވާއިރު މިދެތަރިން ވެސް ބޭނުން ވަނީ ކައިވެނީގެ ހަފްލާގެ ހުރިހާ ކަމެއް އެންމެ ފުރިހަމައަށް ގެންދިއުމަށެވެ. އަދި މި ކައިވެޏަށް ދެ ފަރާތުގެ އާއިލާއިން ވެސް ދަނީ އަވަދިނެތި ތައްޔާރުވަމުންނެވެ.
