އަމީތާބަށް ސަލްމާންގެ ނަމުން ގޮވައިފި
28 ޖޫން 2018 | ބުރާސްފަތި 05:40ގްލާސްގޯ އަށް ގޮސްފއިވަނީ ފިލްމް "ބަދްލާ" ޝޫޓް ކުރުމަށް
ބޮލީވޫޑްގެ މެގަ ސްޓާ އަމީތާބް ބައްޗަން
ބޮބީވޫޑްގެ ތަރި އަމީތާބް ބައްޗަންއަކީ އިންޑިއާގައި އެކަނި ސްޓާރެއް ނޫނެވެ. އޭނާގެ ފޭނުން ދުނިޔޭގެ ހުރިހާ ގައުމެއްގައި ވެސް އުޅެއެވެ.
ސްކޮޓްލޭންޑްގެ ސިޓީއެއް ކަމަށްވާ ގްލާސްގޯގެ މަގުމަތީގައި ހިނގާފައި ދަނިކޮށް މީހަކަށް އޮޅިގެން އަމީތާބަށް ސަލްމާން ޚާންގެ ނަމުން މުޚާތަބު ކުރި ވާހަކަ އަމީތާބު ވަނީ ބުނެފައެވެ.
އަމީތާބް ގްލާސްގޯ އަށް ގޮސްފއި ވަނީ ތާޕްސީ ޕަންނޫއާ އެކު މިހާރު އޭނާ ކުޅެމުންދާ ސުޖޯއީ ގޯޝްގެ ފިލްމް "ބަދްލާ" ޝޫޓް ކުރުމަށެވެ.
ބުދަ ދުވަހު އަމީތާބް ކުރި ޓްވީޓްގައި ވަނީ ގްލާސްގޯގެ މަގުމަތީގައި ހިނގާފައި ދަނިކޮށް ކާރެއްގައި ދިޔަ މީހަކު "ހެއި ސަލްމާން ޚާން ހާލު ކިނެތްތޯ" އަހާފައިވާ ކަމަށެވެ.
"ބަދްލާ" އަކީ ކާމިޔާބު ފިލްމް "ޕިންކް" އަށް ފަހު އަމީތާބާ އެކު ތާޕްސީ މަސައްކަތް ކުރާ ދެވަނަ ފިލްމެވެ. އަދި މިއީ ގޯޝްގެ ފިލްމުގައި އަމީތާބު މަސައްކަތް ކުރާ ހަތަރުވަނަ ފިލްމެވެ.
މީގެ ކުރިން އަމީތާބު ވަނީ ގޯޝްގެ ފިލްމް "ތީން" ، "ކަހާނީ" އަދި "އަލާދީން" ގައި މަސައްކަތް ކޮށްފައެވެ. އަމީތާބު ވަނީ އާމިރް ޚާނާއި ކެޓްރީނާ ކައިފްގެ އިތުރުން ފާތިމާ ސަނާ ޝެއިޚް ފެނިގެންދާ ފިލްމް "ތަގްސް އޮފް ހިންދުސްތާން" ގައި އޭނާ އަދާކުރާ ރޯލްގެ މަސައްކަތް ދާދީ ފަހުން ނިންމާލާފައެވެ.
މީގެ އިތުރުން އާލިއާ ބަޓް އާއި ރަންބީރު ކަޕޫރް ލީޑް ރޯލުން ފެނިގެންދާ އަޔާން މުކަރްޖީގެ ފިލްމް "ބްރަމަސްތްރާ" ގައި އޭނާ އަދާކުރާ ރޯލް ވެސް ވަނީ ނިންމާލާފައެވެ.
