ކަރިޝްމާގެ އުފަންދުވަސް ފާހަގަކުރުން ލަންޑަންގައި
އުފަންދުވަހު ބޭއްވި މެންދުރުގެ ކެއުމެއް
ކަރިޝްމާ އޭނާގެ އާއިލާ އާއި ރައްޓެހިންނާ އެކު ލަންޑަންގައި
ބޮލީވޫޑްގެ ތަރި ކަރިޝްމާ ކަޕޫރުގެ 44 ވަނަ އުފަން ދުވަސް ލަންޑަންގައި ކުލަގަދަ ގޮތެއްގައި ފާހަގަ ކޮށްފިއެވެ.
ކަރިޝްމާގެ އުފަން ދުވަހު ބޭއްވި މެންދުރުގެ ކެއުމުގައި އާއިލާ އާއި ރައްޓެހިން ވަނީ ބައިވެރި ވެފައެވެ.
ލަންޑަންގެ މޭފެއާ ގައި ހުންނަ އަންނަބެލްސް ގައި ކުރިއަށްދިޔަ މި ސެލެބްރޭޝަންގައި ކަރީނާ އާއި އޭނާގެ ފިރިމީހާ ސައިފް އަލި ޚާން އާއި ސޯނަމް ކަޕޫރާއި ފިރިމީހާ ވިޔަފާރި ވެރިޔާ އަނަންދު އަހޫޖާ ވަނީ ބައިވެރި ވެފައެވެ. މީގެ އިތުރުން ވިޔަފާރި ވެރިޔާ އާދަރް ޕޫވަނާލާ އާއި އޭނާގެ އަންހެނުން ނަތާޝާ ވެސް ވަނީ ބައިވެރި ވެފައެވެ.
އެ އެންމެން އެކުގައި ނަގާފައިވާ ގިނަ ފޮޓޯތަކާއި ވީޑިއޯތައް އެމީހުން ވަނީ އިންސްޓަގްރާމްގައި ޝެއަރ ކޮށްފައެވެ.
ކަރިޝްމާވެސް ވަނީ އޭނާގެ އަންހެން ދަރިފުޅު ސަމައިރާ އާއި ފިރިހެންދަރިފުޅު ކިއާން އާއި އެކު ލަންޑަންގެ މަގުމަތީގައި ހިނގަމިންދާ ފޮޓޯއެއް" ބާތްޑޭ އީވް ވިތް މައި ބޭބީޒް" ޖެހުމަށްފަހު ޕޯސްޓްކޮށްފައެވެ.
ކަރިޝްމާ އާއި ކަރީނާ އަދި ސޯނަމް ލަންޑަންގައި ދުވަސްތައް ހޭދަކުރަމުންދާތާ މިހާރު ވަނީ ތިން ހަފްތާވެފައެވެ.
މި އެންމެން އެކުގައި ދަނީ ލަންޑަންގެ އެކި ތަންތަނުގައި ކެއުމަށާއި ޕާޓީތަކަށް ގޮސް މަޖާކުރަމުންނެވެ.
ލަންޑަންގައި ޗުއްޓީ ހޭދަކުރަމުން ދިޔަ ނަމަވެސް ސައިފް އާއި ތައިމޫރު ލަންޑަންގައި ބައިތިއްބުމަށް ފަހު ކަރީނާ ވަނީ މިދިޔަ ހަފްތާގައި މިސްއިންޑިއާ ބިއުޓީ ޕޭޖަންޓް ގައި ޕާފޯމް ކުރުމަށް އިނޑިއާ އަށް ގޮސްފައެވެ. އަދި އެ އިވެންޓް ނިންމުމަށް ފަހު އެނބުރި ވަނީ އަނެއްކާ ލަންޑަނަށް ގޮސްފައެވެ.
