އަމީތާބްގެ އުފަންދުވަސް ފާހަގަ ކުރުމަށް ރާއްޖެ އަންނަނީ؟

އަމީތާބަށް މިއަހަރުގެ އޮކްޓޯބަރު މަހުގެ 11 ގައި 75 އަހަރު ފުރޭނެއެވެ.

އަމީތާބްގެ 75 ވަނަ އުފަންދުވަސް ފާހަގަ ކުރުމަށް ބޭނުން ނުވާ ކަމަށް ކަމަށް އިންޑިއާގެ ނޫސް ތަކުގައި މިދިޔަ މަހުގެ ތެރޭގައި ވަނީ ރިޕޯޓްކޮށްފައެވެ.

އެހެން ނަމަވެސް އަމީތާބްގެ އުފަންދުވަސް އަންނަން އެއް ހަފްތާއެއްހާ ދުވަސް ވެފައި ވާއިރު އޭނާ އުފަން ދުވަސް ފާހަގަ ކުރުމަށް ރާއްޖެ އަންނަން އުޅޭ ކަމަށް އިންޑިއާގެ ބައެއް ނޫސްތަކުގައި ވަނީ ބުނެފައެވެ.

އިންޑިއާގެ ބައެއް ނޫސްތަކުގައި ރިޕޯޓްކޮށްފައިވާ ގޮތުގައި އަމީތާބް ރާއްޖެ އަންނާނީ އޭނާގެ އާއިލާއާ އެކުގައެވެ. އަމީތާބް ރާއްޖޭގައި އުފަންދުވަސް ފާހަގަ ކުރުމަށް ފަހު އެނބުރި މުމްބާއި އަށް ދިއުމުގެ ކުރިން އިންޑިއާގެ ދިއްލީއަށް ދާނެއެވެ. ޚަބަރުތައް ބުނާ ގޮތުގައި އެއީ އަމީތާބްގެ އަންހެން ދަރި ޝްވެތާ ބައްޗަން ފިރިމީހާގެ ބައްޕަގެ ވެސް 75 ވަނަ އުފަންދުވަސް އެ ހަފްތާތެރޭގައި އަންނާތީ ފާހަގަކުރުމަށް ކަމަށެވެ.

އަމީތާބް އުފަންދުވަސް ފާހަގަ ކުރުމަށް ރާއްޖެ އަންނަ ޚަބަރުތައް ފެތުނު ކަމުގައިވީ ނަމަވެސް އަދި އަމީތާބް ރަސްމީކޮށް އެކަން ހާމަކޮށްފައެއް ނުވެއެވެ. އަދި އޭނާ ރާއްޖެ އަންނާނީ ކޮން ދުވަހެއްގައި ކަމެއް ވެސް އެނގިފައެއް ނުވެއެވެ.