އައިޝްވަރިޔާ ރާއީގެ ފަންނޭ ޚާން އަނެއްކާ ވެސް ފަސްކޮށްފިއެވެ.
ޖުލައި މަހުގެ 13 ވަނަ ދަހު ރިލީޒްކުރަން ތާވަލުކޮށްފައިވާ މިފިލްމު އަޅުވަން ފަސްކޮށްފައިވަނީ އޮގަސްޓް މަހުގެ 3 ވަނަ ދުވަހަށެވެ.
މީގެ ކުރިން ވެސް ފިލްމު އެޅުވުމަށް ކަނޑައެޅި ތާރީޚުގެ ފަހަށް ފިލްމު އެޅުވުން ވަނީ ފަސްކޮށްފައެވެ. ފިލްމު އެޅުވުން އެފަހަރު ފަސްކުރީ ޖޫން މަހުގެ 15 ވަނަ ދުވަހުގައި ސަލްމާން ޚާންގެ ރޭސް3 އަޅުވާނެ ކަމަށްބުނެއެވެ.
އަންނަ އޮގަސްޓް މަހުގެ 3 ވަނަ ދުވަހަށް ފިލްމު އެޅުވުން ފަސްކޮށްފައި ވަނީ ކީއްވެކަމެއް ޓީ ސީރީޒްއިން ހާމަކޮށްފައެއް ނުވެއެވެ.
މި ފިލްމުގައި އައިޝްވަރިޔާ ފެނިގެންދާނީ ޑަބަލް ރޯލުންނެވެ.
ފަންނޭ ޚާންގެ ޑައިރެކްޓަރަކީ އޯމްޕަރަކާޝް މެހެރާއެވެ. ފިލްމަށް ކޮސްޓިއުމް ޑިޒައިން ކުރަނީ މަނީޝް މަލޯތުރާއެވެ. ފަންނޭ ޚާން އަކީ މިއުޒިކަލް ކޮމެޑީ ފިލްމެކެވެ.
އައިޝްވަރިޔާ އާއި އެކީގައި މި ފިލްމުން ފެނިގެން ދާނީ އަނިލް ކަޕޫރެވެ. އައިޝްވަރިޔާއާއި އަނިލް ކަޕޫރު މީގެ ކުރިން ވެސް ވަނީ ފިލްމުތަކުން ފެނިގެން ގޮސްފައެވެ.
އެއީ 1998 ވަނަ އަހަރު ނިކުތް ތާލް އާއި 2000 ވަނަ އަހަރު ނިކުތް ހަމާރާ ދިލް އާޕްކޭ ޕާސް ހޭއިންނެވެ.
