ބީފް ސަބްމެރިން

ބޭނުންވާނެ ތަކެތި:

1. އެއް ބްރެޑް ލޯފް
2. ދެ މޭޒުމަތީ ސަމުސާ ސޯޔާ ސޯސް
3. އެއް ޖޯޑު ބީފް
4. 2/1 ސައި ސުމުސާ ޗިލީ ފްލެކްސް
5. އެއް ކެޕްސިކަމް
6. ދެ މޭޒުމަތީ ސަމްސާ އޮލިވް އޮއިލް
7. 1/2 ފިޔާ
8. 1/2 ސަމުސާ ލޮނު
9. ދެ ލޮނުމެދު
10. އެއް ލެޓިއުސް
11. ޗީޒް ސްލައިސް
12. މަޔޮނައިޒް ( ސަބްމެރިން އަށް ޚާއްޞަކޮށްފައިވާ )

ހައްދަވާނެގޮތް:

ފުރަތަމަ ތަވަޔަށް ތެޔޮފޮދު އެޅުމަށްފަހު ލޮނުމެދު ކޮޅު އަޅާފައި އިރުކޮޅެއް ވުމުން ޗިލީ ފްލެކްސް އަޅާފައި ދެން ފިޔާ ކޮޅު އަޅާށެވެ. ފިޔާ ކޮޅު ރަނގަޅަށް ރަތް ވުމުން ބީފް ކޮޅު އަޅާފައި ރޯފިލުމުން ކެޕްސިކަމް ކޮޅު ކިއުބްގޮތަށް ކުދިކޮށް ކޮށާފައި އަޅާށެވެ. ދެން ހުރިހާ އެއްޗެހި ރޯފިލުމުން ސޯޔާސޯސް އަޅާ ލޮނު ހެޔޮވަރުކޮށްލާށެވެ.

ދެން ސަބްމެރިން ބަން މެދުން ފަޅާފައި ދެފަރާތުގައި މަޔޮނައިޒް ހޭކުމަށް ފަހު ދަށް ބަޔަށް މަސްކޮޅު އަޅާފައި މައްޗަށް ލެޓިއުސް ކޮޅެއް އަޅާފައި މަތީ ބައިގެ މެދުގައި ޗީޒް ސްލައިޒް ހިމަދިކޮށް އަތުރާފައި އަނެއްބައިގެ މަތީގައި ބާއްވާށެވެ. ދެން މެދުން ކުޑަކޮށް ކަތިކޮށް ކަފާލާށެވެ.