ޑރ މަޖީދަކީ ދިވެހި ގައުމާއި މުޅި އިސްލާމީ އުންމަތަށް ގެއްލިގެން ދިޔަ އަގޮބޮޑު ހަޒާނާއެއް: އަލީ ޒާހިރު
22 މެއި 2018 | އަންގާރަ 10:43މަޖީދު އަވަހާރަވީ 55 އަހަރުގައި
ކުރީގެ އިސްލާމިކް މިނިސްޓަރ ޑރ. އަބްދުލް މަޖީދު އަބްދުލް ބާރީ
ޑރ. މަޖީދަކީ އަދާލަތު ޕާޓީ އަށާއި ދިވެހި ގައުމަށާއި މުޅި އިސްލާމީ އުންމަތަށް ގެއްލިގެންދިޔަ އަގުބޮޑު ހަޒާނާއެއް ކަމަށް އަދާލަތު ޕާޓީގެ ނައިބު ރައީސް އަލީ ޒާހިރު ވިދާޅުވެއްޖެ އެވެ.
މަޝްހޫރު ދީނީ އިލްމުވެރިޔާ އަދި ކުރީގެ އިސްލާމިކް މިނިސްޓަރ ޑރ. އަބްދުލް މަޖީދު އަބްދުލް ބާރީ އަވަހާރަވުމާއި ގުޅިގެން އަލީ ޒާހިރު ވިދާޅުވީ، ކުއްލިގޮތަކަށް ވަކިވެގެންދިޔައީ އެތަށް އަގުބޮޑު ހަނދާންތަކަކާ ދަރުސްތަކެއް ދޫކުރެއްވުމަށްފަހު ކަމަށެވެ. ޑރ މަޖީދަށް ސުވަރުގެ މިންވަރު ކުރައްވާ އާއިލާއަށް ކެއްތެރިކަން ދެއްވުމަށް އެދި ދުއާކުރައްވާކަމަށް އަލީ ޒާހިރު ވިދާޅުވި އެވެ.
ޑރ މަޖީދު އަވަހާރަވެފައިވަނީ އަންގާރަ ދުވަހުގެ ވަގުތެއްގަ އެވެ. އަވަހާރަވިއިރު އުމުރަކީ 55 އަހަރެވެ. ސްރީ ލަންކާއަށް ވަޑައިގެން އުޅުއްވަނިކޮށް، ސްޓްރޯކެއް ޖެހިވަޑައިގެން ހާލު ކުއްލި ގޮތަކަށް ސީރިއަސްވެގެން ލަންކާ ހޮސްޕިޓަލުގައި ޑރ. މަޖީދަށް ފަރުވާ ދޭން ފެށީ މިދިޔަ ހުކުރު ދުވަހުއެވެ.
