ލ އަތޮޅުން އުތުރަށް ވައިޓް އެލަރޓް ނެރެފި
14 މެއި 2018 | ހޯމަ 13:58ގަޑިއަކު 40 މޭލަށް ވައިގަދަވާނެ
ވިއްސާރައިގެ ތެރޭގައި ސްކޫލް ދަރިވަރަކު ގޮވައިގެން މީހަކު ސައިކަލެއްގައި މާލޭގެ އަމީނީމަގުން ދުއްވާފައި ދަނީ
ގުގުރުމާއިއެކު ބޯކޮށް ވާރޭވެހޭނެކަމަށް ލަފާކުރެވޭތީ ލ އަތޮޅުން ފެށިގެން އުތުރުގެ ހިސާބުތަކަށް ވައިޓް އެލަރޓް ނެރެފިއެވެ.
މޫސުމާއި ބެހޭ ޤައުމީ އިދާރާއިން ހއ އަތޮޅާއި ލ އަތޮޅާއި ދެމެދުގެ ހުރިހާ ހިސާބަކަށް ވައިޓް އެލަރޓް ނެރެފައިވަނީ ހަވީރު 6:00 އިން ފެށިގެން މިރޭގެ 11:00 އަށެވެ.
މެޓް އޮފީހުން ބުނީ ވައިޓް އެލަރޓް ނެރުނު ސަރަހައްދުތަކަށް ގުގުރުމާއިއެކު ބޯކޮށް ވާރޭ ވެހޭނެކަމަށާއި، ގަޑިއަކު 40 މޭލަށް ވައިގަދަވާނެކަމަށް ލަފާކުރެވޭކަމަށެވެ.
މިރޭ މޫސުން ގޯސްވާނެކަމަށް މެޓް އޮފީހުން ލަފާކުރޭ. ފޮޓޯ: މެޓް އޮފީސް
ދެކުނުގެ ސަރަހައްދުތަކަށް ކަނޑުތައް މަޑުވާނެކަމަށާއި އަދި އުތުރާއި މެދުތެރޭގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށް މެޓް އޮފީހުން ލަފާކުރެއެވެ.
ރާއްޖޭގެ އުތުރުގެ ހިސާބުތަކުގެ މައްޗަށް ބޯވިލާ ޖަމާވެފައިވާތަން ދައްކައިދޭ ސެޓެލައިޓް ފޮޓޯއެއް. ފޮޓޯ: މެޓް އޮފީސް
ނިމިދިޔަ ހަފްތާއިން ފެށިގެން މިސަރަހައްދަށް ކުރަމުންދާ ވިއްސާރައިގައި ގިނަ އަދަދެއްގެ ވައިޓް އެލަރޓް މޫސުމާއި ބެހޭ ޤައުމީ އިދާރާއިން ވަނީ ނެރެފައެވެ.
