މެޓްރޯފްލެކްސް ޖިމްއާއި ކެލޮރީ ކައުންޓާ އެއްބަސްވުމެއްގައި ސޮއިކޮށްފި
އަގުހެޔޮކޮށް ކާބޯތަކެތީގެ މީލް ޕްލޭން ލިބިގެންދާނެ
ސޮއި ކުރުމަށްފަހު ފޮޓޯއަކަށް ހުއްޓިލައިގެން
މެޓްރޯފްލެކްސް ޖިމް މެންބަރުންގެ ސިއްހަތު އެންމެ ރަނގަޅަށް ގެންދިއުމައްޓަކައި ކެއުމުގައި އެކުލަވާލާ މާއްދާތަކާއި ބާވަތްތައް ފަސޭހައިން ކިޔައިދީ ރަގަޅަށް މޮނިޓާ ކުރުމަށް ކެލޮރީ ކައުންޓާއިއެކު ސޮއިކޮށްފިއެވެ.
ހޮނިހިރު ދުވަހު ކެލޮރީ ކައުންޓާގައި ބޭއްވި ހަފްލާގައި އެކުންފުނީގެ ފަރާތުން ސޮއިކުރެއްވީ ޑިރެކްޓަރ އިންފާޒް ފާއިޒްއެވެ. މެޓްރޯފްލެކްސް ޖިމްގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރ އަހުމަދު ޒިޔާންއެވެ.
އެއްބަސްވުމުގެ ސަބަބުން މެޓްރޯފްލެކްސް ޖިމްގެ މެންބަރުންނަށް ޑިސްކައުންޓް އަގުގައި ކެލޮރީ ކައުންޓާގެ ކާބޯތަކެތީގެ ޕްލޭންތައް ލިބުމުގެ އިތުރުން ޚިދުމަތް ހޯދަން އަންނަ ފަރާތަކަށް ޚާއްސަ މީލް ޕްލޭނެއް ތައްޔާރުކުރުމުގެ މަގު ފަހިވާނެއެވެ.
މެޓްރޯފްލެކްސް އުފެދިފައިވަނީ ވަނީ މީގެ ދެއަހަރު ކުރިންނެވެ. އެ ޖިމް އަކީ ހުރިހާ އުމުރު ފުރައަކަށް ވެސް ހުޅުވާލެވިގެން ޚިދުމަތް ދެމުން އަންނަ ތަނެކެވެ.
ކެލޮރީ ކައުންޓާއަކީ ސިއްހަތަށް ފައިދާ ހުރި ކާނާ ވިއްކަމުން ގެންދާ ފްރެންޗައިޒްއެކެވެ. މި ފްރެންޗައިޒް އުފެދިފައި ވަނީ ސިރީލަންކާއިންނެވެ.
