ސްޓޭޑިއަމަށް ވަނުން މަނާކުރުމުން ކެރޭނެއްގެ މައްޗަށް އަރާ ފުޓްބޯޅަ މެޗެއް ބަލައިފި
29 އެޕްރީލު 2018 | އާދީއްތަ 04:33މިމީހާ އަކީ ތުރުކޯގެ ޓީމެއްކަމަށްވާ ޑެނިޒްލިސްޕާ ގެ ފޭނެއް
ޑެނިޒްލިސްޕާ ގެ ސަޕޯޓަރ
ތުރުކީގެ ފުޓްބޯޅަ ޓީމެއްކަމަށްވާ ޑެނިޒްލިސްޕޯގެ ސަޕޯޓަރަކު ދަނޑަށް ވަނުން މަނާކުރުމުން ކެރޭނަކަށް އަރައިގެން މެޗު ބަލައިފިއެވެ.
މިހާރު ވައިރަލް ވެފައިވާ މި ވީޑިއޯގައި ކެރޭނަކަށް އަރާ ސްޓޭޑިއަމްގެ މަތިން މެޗު ބަލާފައިވަނީ ތުރުކީއަށް އުފަން ރައްޔިތެކެވެ. އެއް އަހަރު ދުވަހަށް ދަނޑަށް ވަނުން މަނާކޮށްފައިވާ މި މީހާ ހޮނިހިރު ދުވަހު ކެރޭނެއް ކުއްޔަށް ހިފައިގެން ބަލާފައި ވަނީ ޑެނިޒްލިސްޕޯ އާއި ގަޒިއަންޓެޕްސްޕާ ބައްދަލުކުރި މެޗެވެ.
ސްޓޭޑިއަމްގެ ބޭރުގައި ބަހައްޓާފައިވާ ކެރޭނު ކޮޅުގައި ހަރުކޮށްފައިވާ ކޮށިގަނޑުގެ ތެރޭގައި އެ މީހާ މެޗް ބަލަން ހުރިއިރު، ކެރޭނުގައި ޑެނިޒްލިސްޕޯގެ ބޮޑު ދިދައެއް ހުރިއިރު އަތުގައި އޮތް ދިދަ ވެސް ދިޔައީ ވިހުރަމުންނެވެ.
ގަޒިއަންޓެޕްސްޕާއާއި ޑެނިޒްލިސްޕާ ކުޅުނު މެޗްގެ ތެރެއިން
މިމީހާ އެސްޓޭޑިއަމަށް ވަނުން މަނާ ކޮށްފައިވަނީ ކީއްވެކަން އަދި ނޭނގެ އެވެ. ކެރޭނެއް ކުއްޔަށް ހިފައިގެން ސަޕޯޓު ކުރި މިމީހާ ސަޕޯޓު ކުރި ޓީމްވަނީ މޮޅުވެފައެވެ. ޑެނިޒްލިސްޕާ މޮޅުވީ ގަޒިއަންޓެޕްސްޕާ ބައްދަލުކޮށް 5-0 އިންނެވެ.
