ސަންޖޫގެ ޓީޒާ: ރަންބީރު ހީވަނީ ސަންޖޭހެން

ގިނަ ބަޔަކު އިންތިޒާރު ކުރާ ސަންޖޭ ދަތުގެ ހަޔާތުގެ މައްޗަށް ކުޅޭ ފިލްމު ސަންޖޫގެ ޓީޒާ އާންމު ކޮށްފިއެވެ.

ރާޖްކުމާރު ހިރާއޯ ޑައިރެކްޓް ކޮށްފައިވާ ސަންޖޫގެ ޓީޒާ އާންމު ކުރުމާއެކު ގިނަބައެއްގެ ލޮލުގައި އަޅައިގަތީ ސަންޖޭގެ ރޯލު ކުޅޭ ތަރި ރަންބީރު ކަޕޫރުގެ ސިފައާއެވެ.

އެދެމީހުން ވައްތަރުކަމުން ގިނަ ބަޔަކު ވަނީ ހައިރާން ކޮށްލާފައެވެ. ސަންޖޭ ދަތުގެ ބައޮޕިކްގައި ރަންބީރު ކުޅެނީ ސަންޖޭގެ ރޯލެވެ.

މި ފިލްމުގައި ފެނިގެން ދާނީ ސަންޖޭ ފިލްމީ ހަޔާތަށް ގުޅުނު ގޮތާއި އޭނާ މަސްތުވާތަކެތީގެ ވަބާގައި ޖެހި ދިރިއުޅުން ހަލާކުވެގެންދިޔަ ގޮތެވެ. މީގެ އިތުރުން ހަތިޔާރު ގެންގުޅުނު ކަމުގެ ތުހުމަތުގައި އޭނާ ޖަލަށް ދާން ޖެހުނު ގޮތާއި އޭނާ މިހާތަނަށް ކުރި ތިން ކައިވެނީގެ ވާހަކަ އާއި ފިލްމީދާއިރާގައި އޭނާގެ ލޯބީގެ ހަޔާތެވެ.

މި ފިލްމުގައި ސަންޖޭ ލޯބީގެ ގޮތުން ގުޅުނު މީހުންގެ ރޯލުން ފެނިގެންދާނީ އަނުޝްކާ ޝަރުމާ އާއި ސޯނަމް ކަޕޫރެވެ. އޭނާގެ އަންހެނުންގެ ރޯލުން ފެނިގެންދާނީ ދިއާ މިރްޒާއެވެ. މީގެ އިތުރުން މަންމަ އާއި ބައްޕަގެ ރޯލުން ފެނިގެންދާނީ މަނީޝާ ކޮއިރަލާ އާއި ޕަރޭޝް ރާވަލްއެވެ. "ސަންޖޫ" ސިނަމާތަކަށް އަންނާނީ އަންނަ ޖޫންމަހުގެ 29 ގައެވެ.