ކައުންސިލަރު ފައިސަލް ފާހާނާ ސާފުކުރުމުން އަގުވަޒަންކޮށްފި
20 އެޕްރީލު 2018 | ހުކުރު 23:43ފައިސަލް އިބްރާހިމް އަށް ހަނދާނީ ލިޔުން ދީފައިވަނީ އައްޑޫ ސިޓީ ކައުންސިލްގައި ބޭއްވި ބައްދަލުވުމެއްގައި
ފައިސަލްގެ އަގުވަޒަންކޮށް އައްޑޫ ސިޓީ ކައުންސިލުން އޭނާ އަށް ހަނދާނީ ލިޔުން ދެނީ
އައްޑޫ ސިޓީ، ހިތަދޫ ރީޖަނަލް ހޮސްޕިޓަލުގެ ފާހާނާ ވަރަށް ބޮޑަށް ހަޑިވެ، ސާފުތާހިރުކަން ގެއްލިފައިވާ ކަމަށް ބުނެ އެތައް ބަޔަކު ސޯޝަލް މީޑިއާގައި ފޮޓޯތައް ޝެއާކޮށް ފާޑު ކިއަމުން ދަނިކޮށް މަރަދޫ ދާއިރާގެ ކައުންސިލަރު ފައިސަލް އިބްރާހިމް އެ ފާހާނާ ސާފުކުރުމުން އައްޑޫ ސިޓީ ކައުންސިލުން އެކަމުގެ އަގުވަޒަންކޮށްފިއެވެ.
ފައިސަލްގެ އަގުވަޒަންކޮށް ހަނދާނީ ލިޔުން ދިނުން
މަރަދޫ ދާއިރާގެ ކައުންސިލަރު ފައިސަލް އިބްރާހިމް އަށް ހަނދާނީ ލިޔުން ދީފައިވަނީ އައްޑޫ ސިޓީ ކައުންސިލްގައި ބޭއްވި ބައްދަލުވުމެއްގައި އެކައުންސިލްގެ މޭޔަރު އަބުދުﷲ ސޯދިގެވެ.
ސިއްހީ ހިދުމަތްދޭ ތަނެއްގެ ފާހާނާ ސާފު ނުކޮށް ހުރި މައްސަލައިގައި ގިނަ ބައެއްގެ ފާޑުކިޔުންތައް ހިތަދޫ ރީޖަނަލް ހޮސްޕިޓަލްގެ އިސް ވެރިންނަށް އަމާޒުވެފައިވަނިކޮށް، އަދި އެ ތަނުގެ ފޮޓޯތަައް އެތަށް ބަޔަކު ސޯޝަލް މީޑިއާގައި ޝެއާކޮށްފައިވަނިކޮށް، ފައިސަލް އެތަން ސާފްކުރީ، އެކަމަށް ބޭނުންވާ ތަކެތި އަމިއްލައަށް ގަނެގެންނެވެ.
ރާއްޖެއެމްވީއަށް މައުލޫމާތު ދެއްވަމުން ފައިސަލް ވިދާޅުވި، އޭނާ އެ ފާޚާނާ ސާފުކުރަން ޖެހުނީ އެތަން ހަޑިކަމުން ހިތަށް ކެތްނުވެގެން ކަމަށެވެ.
