އާދީއްތަ 16 ޖޫން 2019
14 މިއަހެލި
1440 ޝައްވާލް 12
ފަތިސް 04:36
އިރުއަރާ 05:54
މެންދުރު 12:11
އަސްރު 15:34
މަޣްރިބް 18:19
އިޝާ 19:38
ވިޔަފާރި - އެމްބީއާރް

އެމްބީއާރް އާއި އެމްއެންސީސީއައި އާއި ދެމެދުގައި އެއްބަސްވުމެއްގައި ސޮއިކޮށްފި

  • އެއްބަސްވުމުގައި ސޮއިކޮށްފައިވަނީ އޭޕްރިލް 12 ވަނަ ދުވަހު
  • އެއްބަސްވުމުގެ މައިގަނޑު މަގްސަދަކީ އެމް.އެން.ސީ.ސީ.އައި އިން ލިބެން ހުރި ދިވެހިރާއްޖޭގެ އިގްތިސާދާއި ގުޅުންހުރި މައުލޫމާތު ތަކާއި ތަފާސް ހިސާބުތަށް އެމް.ބީ.އާރް އަށް ފޯރުކޮށްދިނުން
  • އެމް.ބީ.އާރް އަކީ ބްލޭޒަން އިންކުން ނެރޭ ވިޔަފާރި މަޖައްލާއެއް

ސިމާހާ ނަސީމް
sim_kamana

ކ. މާލެ 14 އޭޕުރިލް 2018 | ހޮނިހިރު 01:40 6,173

އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން - ހައިރައިޒް ޕްރައިވެޓް ލިމިޓަޑް

މޯލްޑިވްސް ބިޒްނަސް ރިވިއު (އެމްބީއާރް) އާއި މޯލްޑިވްސް ނެޝަނަލް ޗެމްބަރ އޮފް ކޮމާސް އެންޑް އިންޑަސްޓްރީސް (އެމްއެންސީސީއައި) އާއި ދެމެދު އޭޕްރިލް 12 ވަނަ ދުވަހު އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި އެމް.ބީ.އާރްގެ ފަރާތުން ސޮއިކޮށްފައިވަނީ އެ ކުންފުނީގެ އެޑިޓަރ އިން ޗީފް އަހްމަދު އަސްބާބްއެވެ. އަދި އެމް.އެން.ސީ.ސީ.އައިގެ ފަރާތުން ސޮއިކޮށްފައިވަނީ ހަޒާންދާރު މިސްރު އާދަމްއެވެ.

އެމްބީއާރް އިން ބުނީ މި އެއްބަސްވުމުގެ މައިގަނޑު މަގްސަދަކީ އެމް.އެން.ސީ.ސީ.އައި އިން ލިބެން ހުރި ދިވެހިރާއްޖޭގެ އިގްތިސާދާއި ގުޅުންހުރި މައުލޫމާތު ތަކާއި ތަފާސް ހިސާބުތަށް އެމް.ބީ.އާރް އަށް ފޯރުކޮށްދިނުން ކަމަށެވެ.

އެމްބީއާރް އަކީ ދިވެހިރާއްޖޭގެ އިޤްތިސާދާއި ގުޅުންހުރި ހުރިހާ ދާއިރާއެއްގެ މައުލޫމާތާއި ތަފާސް ހިސާބު، އިޤްތިސާދާއި ގުޅުންހުރި ހުރިހާ ފަރާތްތަކަށް ފޯރުކޮށްދޭ މަޖައްލާއެކެވެ.

އެމް.ބީ.އާރް އަކީ ބްލޭޒަން އިންކުން ނެރޭ ވިޔަފާރި މަޖައްލާއެކެވެ. މި މަޖައްލާ އަކީ ގަވާއިދުން އަޕްޑޭޓް ކުރެވޭ ވެބްސައިޓްއެއްގެ އިތުރުން އަހަރަކު 2 ފަހަރު ޗާޕުކުރެވޭ މަޖައްލާއެކެވެ.

ބްލޭޒަން އިންކްއަކީ، މާކެޓިންގ، ފަބްލިކް ރިލޭޝަންސް އަދި ވިޔަފާރި ހިންގުމަށް ބޭނުންވާ ހުރިހާ ހިދުމަތެއް ފޯރުކޮށްދޭ ކުންފުންޏެކެވެ.

 

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ: މިއުވާން މުހައްމަދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް