އޮލިމްޕިކް ކޮމިޓީގެ އަހަރީ ބައްދަލުވުން މިއަހަރު ބ. ގޮއިދޫގައި

ރާއްޖޭގެ އޮލިމްޕިކް ކޮމިޓީގެ އަހަރީ އާންމު ބައްދަލުވުން މިއަހަރު ބ.ގޮއިދޫގައި ބޭއްވުމަށް ނިންމައިފިއެވެ.

ރާއްޖެޓީވީގެ "ކުޅިވަރުފައިލް" ޕްރޮގްރާމްގައި ވާހަކަ ދައްކަވަމުން އޮލިމްޕިކް ކޮމިޓީގެ ޖެނެރަލް ސެކްރެޓަރީ އަހުމަދު މަރުޒޫގު ވިދާޅުވީ މީގެކުރިން އެސޯސިއޭޝަންތަކުގެ އަހަރީ ބައްދަލުވުން ބާއްވާފައި ވަނި ވަރަށް ކުޑަ ގޮތެއްގައި ކަމަށެވެ. ރާއްޖޭގެ ކުޅިވަރުގެ ހުރިހާ ސިޔާސަތެއް ކަނޑައަޅާ ފަރާތްތަކާއެކު އެއް ފުރާޅަކަށް ވަންނަ ހަމައެކަނި ވަގުތަކީ އޮލިމްޕިކް ކޮމިޓީގެ އަހަރީ އާންމު ބައްދަލުވުން ކަމަށްވުމާއެކު އެ ބައްދަލުވުން ބޮޑުކޮށް ބާއްވަމުން އަންނަތާ އަށް އަހަރު ވެފައިވާ ކަމަށެވެ. އެގޮތުން މިއަހަރު ރާއްޖޭގެ ކަންކޮޅުތަކަށް އޮލިމްޕިކް ކޮމިޓީ ގެންދިޔުމުގެ ގޮތުން ހުރިހާ ކަމަކަށް ބެލުމަށް ފަހު އެ ރަށުގެ ރައްޔިތުން އެކަން ކުރިޔަށް ގެންދިޔުމަށް ތިބުމާއެކު އެގޮތަށް ނިންމީ ކަމަށް މަރުޒޫގު ބުނެފައިވެއެވެ.

މަރުޒޫގު ބުނެފައިވަނީ އަހަރީ އާންމު ޖަލްސާގައި އަންނަ އަހަރަށް އޮތް ޕްރޮގްރާމްތަކަށް ތައްޔާރުވާނެ ކަމަށާއި އަދި މިއަހަރު އޮލިމްޕިކް ކޮމިޓީއިން އެންމެ ބޮޑު އިސްކަމެއް ދީގެން ތައްޔާރުވާނީ ޖަކާޓާގައި އޮންނަ އޭޝިއަން ގޭމްސްއަށް ކަމަށެވެ.