އިޝާންގެ ބިޔޯންޑް ދަ ކްލައުޑްސް މިމަހުގެ 20 ގައި
1 އެޕްރީލު 2018 | އާދީއްތަ 06:14ކުރިން މި ފިލްމު ރިލީޒް ކުރަން ހަމަޖެހިފައި އޮތީ މާޗް މަހުގެ 23 ވަނަ ދުވަހުގައި
އިޝާން ޓައްކަރު އޭނާގެ ބޭބެ އަދި ފިލްމީ ތަރި ޝާހިދު ކަޕޫރާއި އެކު
ޝާހިދު ކަޕޫރުގެ އެއްބަނޑު ކޮއްކޮ އިޝާން ޓައްކަރުގެ ދެވަނަ ފިލްމު ބިޔޯންޑް ދަ ކްލައުޑްސް މިމަހުގެ 20 ގައި ސިނަމާތަކަށް ރިލީޒްކުރާ ގޮތަށް ހަމަޖެހިއްޖެއެވެ.
ކުރިން މި ފިލްމު ރިލީޒް ކުރަން ހަމަޖެހިފައި އޮތީ މާޗް މަހުގެ 23 ވަނަ ދުވަހުގައެވެ.
މި ފިލްމު ބިޔޯންޑް ދަ ކްލައުންޑްސްގެ ޓްރެއިލާ އާންމު ކޮށްފައި ވާއިރު ޓްރެއިލާއަށް ވަނީ ގިނަ ބައެއްގެ ތަރުހީބު ލިބެމުންނެވެ.
މީގެ ކުރިން އިޝާން ކައިރިން އޭނާ ޝާހިދު އާއި ވާދަކޮށްފާނެތޯ އެހުމުން ބުނީ އޭނާ އާއި ޝާހިދުއަކީ އެއްޓީމެއް ކަމަށެވެ. ޝާހިދުގެ ފަރާތުން އޭނާއަށް ވަރަށްގިނަ އެއްޗެހިތައް ދަސްވެއްޖެ ކަމަށާއި ޝާހިދު އަކީ އޭނާގެ ތީޗަރ ކަމަށް އިޝާން ބުންޏެވެ. އިޝާން ބުނީ ޝާހިދުގެ ފިލްމުތައް ބަލައި އޭނާގެ ހުނަރުތައް ދަސްކުރާ ކަމަށެވެ.
މިފިލްމުގައި އިޝާންއާ އެކު ލީޑު ރޯލުން ފެނިގެންދާނީ މަލްވިލާ މޯހަނަން އެވެ. މީގެ އިތުރުން ގޯތަމް ގޯސް، ޝިވަމް ޕުޖާރީ އަދި ދުވާނީ ރާޖޭޝް ވެސް ބިޔޯންޑް ދަ ކްލައުޑްސް އިން ފެނިގެންދާނެއެވެ.
މި ފިލްމަކީ އީރާންގެ މަޝްހޫރު ޑައިރެކްޓަރު މާޖިދު މާޖިދީ ލިޔެ ޑައިރެކްޓް ކޮށްފައިވާ ފިލްމެކެވެ.
ބިޔޯންޑް ދަ ކްލައުޑްސް ގައި ކިޔައި ދެނީ ފުރާވަރަށް އަރާފައިވާ ޔަތީމް ފިރިހެން ކުއްޖެއްގެ ވާހަކަ އެވެ.
