މަޓާޓޯ ޓްރެވަލް އެވޯޑްސް އިފްތިތާހްކޮށް ޕާޓްނަރުންނާއެކު ސޮއިކޮށްފި

މަޓާޓޯ މޯލްޑިވްސް ޓްރެވަލް އެވޯޑްސް 2018 އިފްތިތާހުކޮށް އިވެންޓުގެ ޕާޓްނަރުންނާއެކު ސޮއިކޮށްފިއެވެ.

ކޮކޯ ބޮޑު ހިތި ރިސޯޓުގައި މާރޗް 20 ވަނަ ދުވަހު ހަވީރު ބޭއްވި ހާއްސަ ރަސްމިއްޔާތުގައި މޯލްޑިވްސް ޓްރެވަލް އެވޯޑްސް އިފްތިތާހުކޮށްދެއްވީ މަޓާޓޯގެ ރައީސް އަބްދުﷲ ގިޔާސް ރިޔާޒެވެ.

މި އަހަރުގެ މޯލްޑިވްސް ޓްރެވަލް އެވޯޑްސްގެ ޕްލެޓިނަމް ޕާޓްނަރަކަށް ހަމަޖައްސާފައިވަނީ އުރީދޫ މޯލްޑިވްސްއެވެ.

މަޓާޓޯގެ ރައީސް ގިޔާސް ވިދާޅުވީ އުރީދޫ އަކީ އެ ކުންފުނި ހިމެނޭ އިންޑަސްޓްރީގެ މާކެޓަށް އިންގިލާބުތަކެއް ގެންނަމުންދާ ކުންފުންޏެއް ކަމަށެވެ. އަދި އެކުންފުންޏާއެކު ގުޅިގެން ރަނގަޅު މަސައްކަތްތަކެއް ކުރުމަށް އުންމީދު ކުރާ ކަމަށް އޭނާ ވިދާޅުވިއެވެ.

މަޓާޓޯ މޯލްޑިވްސް ޓްރެވަލް އެވޯޑްސް 2018 ގެ ޕާޓްނަރުންނަކީ

• ޕްލެޓިނަމް ޕާޓްނަރ: އުރީދޫ މޯލްޑިވްސް
• ގޯލްޑް ޕާޓްނަރ: މޯލްޑިވްސް އެއާޕޯޓްސް ކޮމްޕެނީ ލިމިޓެޑް
• ސިލްވަރ ޕާޓްނަރ: އެލައިޑް އިންޝުއަރަންސް
• ޕްރިންޓިންގް ޕާޓްނަރ: ޕްރިންޓްލެބް
• ފޮޓޯގްރަފީ ޕާޓްނަރ: ޑިޖިޓަލް ސްޓޫޑިއޯ
• ފޮޓޯ އެންޑް ވީޑިއޯގްރަފީ ޕާޓްނަރ: ނާން ޕްރައިވެޓް ލިމިޓެޑް
• އޮންލައިން މީޑިއާ ޕާޓްނަރ: ސަން އޮންލައިން
• ޓްރެވަލް މީޑިއާ ޕާޓްނަރ: މޯލްޑިވްސް އިންސައިޑަރ
• ޑިޖިޓަލް ޕާޓްނަރ: ކޯޑްފްލައި
• އެޑްވަޓައިޒިންގް ޕާޓްނަރ: ބްލަކް

މަޓާޓޯ އިން މިއަހަރު ކުރިއަށް ގެންދިޔުމަށް ހަމަޖެހިފައިވާ ހަރަކާތްތަކަކީ ޓްރެވަލް އެވޯޑްސްގެ ޕީޕަލްސް އެޑިޝަން، ގެސްޓްހައުސް އެޑިޝަން، ޓްރެވަލް ކޮންފަރަންސްގެ އިތުރުން މަޓާޓޯ މޯލްޑިވްސް ޓްރެވަލް އެވޯޑްސްގެ ގާލާއެވެ.