ސިއްހީ ދާއިރާގެ މައުލޫމާތު ދިނުމަށް އެމްވީ މެޑިކަލްސް އިން ބާއްވާ "މޯލްޑިވްސް މެޑިކަލް އެކްސްޕޯ"ގެ ޕާޓްނަރުންނާއެކު އެއްބަސްވުމުގައި އާދިއްތަ ދުވަހު ސޮއިކޮށްފި އެވެ.

ޗަމްޕާ ސެންޓްރަލް ހޮޓެލްގައި ބޭއްވި ރަސްމިއްޔާތެއްގައި މެޑިކަލް އެކްސްޕޯގެ ނުވަ ސްޕޮންސަރުންނާއެކު ވަނީ އެއްބަސްވެފައެވެ. އެއީ ސަޕޯޓިން ސްޕޮންސަރާއި ޕާޓްނަޝިޕް އެއްބަސްވުމާއި، ޓްރެވެލް ޕާޓްނަރާއި ޓެކްނޮލޮޖީ ޕާޓްނަރާއިި އޮންލައިން މީޑިއާ ޕާޓްނަރުގެ އިތުރުން ލައިޓް އެންޑް ސައުންޑާއި ހޮޓެލްގެ ސްޕޮންސަރާއި ފިޓްސް އަދި އެގްޒިބިޝަން އޯގަނައިޒާއެވެ.

ސަޕޯޓިން ޕާޓްނާގެ ގޮތުގައި ސޮސައިޓީ ފޯ ހެލްތް އެޑިއުކޭޝަން (ޝީ) އަދި އިން ޕާޓްނަޝިޕްއަށް މެޑްލައިފް އޭޝިޔާ،ޓްރެވެލް ޕާޓްނަރަކަށް އިންޓުއާ މޯލްޑިވްސް، މީގެ އިތުރުން ޓެކްނޮލޮޖީ ޕާޓްނަރަކަށް އުރީދޫ މޯލްޑިވްސް ވަނީ ހަމަޖައްސާފައެވެ. އޮންލައިން މީޑިއާ ޕާޓްނަރުގެ ގޮތުގައި ސަން މީޑިއާ ގްރޫޕް، ލައިޓް އެންޑް ސައުންޑް އުނިކާއާއިއެކު، އަދި ހޮޓެލް ޕާޓްނަރުގެ ގޮތުގައި،ޗަމްޕާ ސެންޓްރަލް ހޮޓެލް،ފިޓްނެސް ގެ ގޮތުގައި ޓޯޓަލް ފިޓްނެސް ގްރޫޕް (ޓީއެފްޖީ) އަދި އެގްޒިބިޝަން އޯނަގައިޒާގެ ގޮތުގައި ޕްލެޓިނަމްއއި އެކު ވަނީ ސޮއިކުރެވިފައެވެ.

ސްޕޮންސަޝިޕް އެއްބަސްވުމުގައި އެމްވީ މެޑިކަލްސްގެ ފަރާތުން ސޮއިކުރެއްވީ ޑިރެކްޓަ އޮފް މާކެޓިން އަދި ޕަބްލިކް ރިލޭޝަންސް އަބްދުލް ޖަލީލް ހަސަނެވެ. ކުންފުނިތަކުން ސޮއިކުރެއްވީ އެ ތަންތަނުގެ އިސްވެރިންނެވެ.

އެއްބަސްވުމުގައި ސޮއިކުރެއްވުމަށް ފަހު ވާހަކަދައްކަވަމުން ޖަލީލް ވިދާޅުވީ ސިއްހީ ފަރުވާގެ ކަންކަމަށް ގިނަ އަދަދެއްގެ ބަޔަކު ރާއްޖޭން ބޭރަށް ދާ ކަން ތަފާސްހިސާބުތަކުން ދައްކާ ކަމަށެވެ. ނަމަވެސް ބައެއް ފަރުވާތަކަކީ ވަރަށް އާދައިގެ އަދި ރާއްޖޭން ވެސް ވަރަށް ފުރިހަމަ އަށް ލިބެން ހުރި ހިދުމަތްތަކެއް ކަމާއި އެހެން ދިމާވަނީ، ލިބެން ހުރި ފަރުވާގެ މައުލޫމާތު އާއްމުންނަށް ނޭނގޭތީ ކަން ޖަލީލް ފާހަގަކުރެއްވިއެވެ.

ސިއްހީ ދާއިރާ އަކީ މާ ވާދަވެރި މާކެޓެއް އޮތް ދާއިރާއެއް ނޫން ކަމަށާއި ނަމަވެސް އެކްސްޕޯގެ ބޭނުމަކީ ރާއްޖެއާ ބޭރުގެ ގައުމުތަކުން ލިބެންހުރި ސިއްހީ ހިދުމަތްތަކުގެ މައުލޫމާތު ދިނުން ކަމަށް ޖަލީލް ވިދާޅުވިއެވެ.އަންނަ މަހުގެ 9-11 ވަނަ ދުވަހާ ހަމައަށް ނޭޝަނަލް އާޓްގެލެރީގައި ބާއްވާ އެކްސްޕޯގައި ސިއްހީ ހިދުމަތް ދޭ ގިނަ ހޮސްޕިޓަލްތަކުން ބައިވެރިވާނެ ކަމަށް މިކަން އިންތިޒާމްކުރާ އެމްވީ މެޑިކަލްސް އިން ބުންޏެވެ.

މިއީ އެ ކުންފުނިން ބާއްވާ ދެ ވަނަ އެކްސްޕޯ އެވެ. ފުރަތަމަ އެކްސްޕޯ މިދިޔަ އަހަރު ބޭއްވިއިިރު އެ ހަރަކާތަށް ވެސް ގިނަ ބައެއްގެ ތަރުހީބު ލިބުނު ކަމަށް ޖަލީލް ވިދާޅުވިއެވެ.