ކ. މާލެ
|
12 މާރޗް 2018 | ހޯމަ 11:29
އދގެ މަންދޫބު ވަނީ މުސްލިމް ލީޑަރުންނާއި ބައްދަލުކުރައްވާފައި
އދގެ މަންދޫބު ވަނީ މުސްލިމް ލީޑަރުންނާއި ބައްދަލުކުރައްވާފައި
އިންޑިއަން އެކްސްޕްރެސް
ކެންޑީގެ ހަމަނުޖެހުން
ކެންޑީގެ ހަމަނުޖެހުން: މުސްލިމުންނަށް ދިން ހަމަލާތައް އދން ކުށްވެރިކޮށްފި
 
ހަމަލާތަކުގެ ފަހަތުގައި ތިއްބެވި ފަރާތްތައް އިންސާފުގެ ކުރިމައްޗަށް ގެންދިއުމަށް އދ އިން ވަނީ ގޮވާލާފައި
 
އދގެ މަންދޫބު ވަނީ މުސްލިމް ލީޑަރުންނާއި ބައްދަލުކުރައްވާފައި

މިސްކިތްތަކާއި ވިޔަފާރިތައް އަންދައި މުސްލިމުންނާއި ދެކޮޅަށް ސްރީލަންކާގައި ދިން ހަމަލާތައް އދ އިން އާދީއްތަ ދުވަހު ކުށްވެރި ކޮށްފިއެވެ.

އަންޑަރ ސެކްރެޓަރީ ޖެނެރަލް ފޮރ ޕޮލިޓިކަލް އެފެއަރޒް ޖެފްރީ ފެލްޓްމަން ވަނީ އެ ހަމަލާތަކުގެ ފަހަތުގައިތިބި ފަރާތްތައް އިންސާފުގެ ކުރިމައްޗަށް ގެންދިއުމަށް ސްރީލަންކާ ސަރުކާރުގައި އެދިވަޑައިގެންފައެވެ.

ފެލްޓްމަން ކުރެއްވި ޒިޔާރަތުގައި އެ މަނިކުފާނުވަނީ "ގާނޫނާއި ގަވާއިދުތައް މުގުރާލައި މުސްލިމުންނާއި ދެކޮޅަށް ދިން ހަމަލާތައް ކުށްވެރިކުރައްވައި" ފައެވެ.

ލަންކާއަށްކުރެއްވި ޒިޔާރަތުގައި ފެލްޓްމަންވަނީ ލަންކާގެ މުސްލިމް ލީޑަރުންނާއި ބައްދަލުކުރައްވައި އެމީހުންނާއި އެކުގައި ހުންނެވިކަން ހާމަކުރައްވާފައެވެ.

ލަންކާގެ ކެންޑީގައި މުސްލިމުންނާއި ބުޑިސްޓުންނާއި ދެމެދު ހިނގަންފެށި ހަމަނުޖެހުންތަކުގައި މަދުވެގެން ދެ މީހުން މަރުވެފައިވާއިރު މިމަހުގެ ހަވަނަ ދުވަހުން ފެށިގެން ލަންކާގައިވަނީ ކުއްލި ނުރައްކަލުގެ ހާލަތު އިއުލާން ކޮށްފައެވެ.

ބުޑިސްޓުންނާއި މުސްލިމުންނާއިދެމެދު ހިނގި ކުރިމަތިލުންތައް ފެށިފައިވަނީ މިދިޔަ ހަފްތާގެ ހޯމަ ދުވަހު މުސްލިމުންގެ ގްރޫޕަކާ ޖެހުނު މައްސަލައެއްގައި ސިންގަޅަ މީހަކަށް ލިބިފައިވާ ގެއްލުންތަކަށް ފަރުވާދެމުންދަނިކޮށް އޭނާ މަރުވުމާއި ގުޅިގެންނެވެ.

ހަމަނުޖެހުންތައް އިތުރުވެގެން ދިޔައީ އަންގާރަ ދުވަހު އިމާރާތެއްގެ ބޭރުގައި މުސްލިމް ފިރެހެނެއްގެ ހަށިގަނޑު އަންދާލާފައިވަނިކޮށް ފެނުނު ހިސާބުންނެވެ.

ފުލުހުންވަނީ ހަމަނެޖެހުންތަކުގައި އިސްކޮށް އުޅުނު ކަމަށް ތުހުމަތުކުރެވޭ މީހާ ބުރާސްފަތި ދުވަހު ހައްޔަރުކޮށްފައެވެ.

މީގެއިތުރުން އެކަމުގައި ބައިވެރިވިކަމަށް ތުހުމަތުކުރެވޭ 145 މީހަކު މިހާތަނަށް ހައްޔަރުކޮށްފައިވެއެވެ.

ސަރަހައްދު ހަމައަކަށް އެޅިފައިވާއިރު ލަންކާ ސަރުކާރުން މިހާރުވަނީ ކާފިއުވެސް އުވާލާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް