ހދ. ކުޅުދުއްފުށި އެމްޑީޕީގެ އިސް އެކްޓިވިސްޓެއް ކަމަށްވާ އެރަށު ކިރުދޫނިގެ އަލީ މުހައްމަދު (ދޮންއަލިބެ) ފުލުސް އޮފީހަށް ހާޒިރުކޮށް ސުވާލުކޮށްފި އެވެ.
ދޮންއަލިބެއަށް ގުޅާލުމުން ބުނީ ފުލުސް އޮފީހަށް ހާޒިރު ކުރީ މިމަހުގެ ހަ ވަނަ ދުވަހުގެ ހަވީރު ކުޅުދުއްފުށީގައި އެމްޑީޕީން އިންތިޒާމު ކުރި ހަވީރު ސަޔަށް އެސަރަހައްދަށް ދަނިކޮށް، އެ ސަރަހައްދަށް ދިޔަ ފުލުހުންނަށް އަލިބެ ހުރަސް އެޅި ކަމަށް ބުނެ ކުރެވޭ ތުހުމަތެއްގައި ކަމަށެވެ.
އަލިބެ ބުނީ އެ ދުވަހު އެސަރަހައްދަށް އާއްމު މީހަކު ދުއްވާ ޕިކަޕެއްގައި ދިޔަ ކަމަށާއި އެ ޕިކަޕުގައި ތިބީ ފުލުހުން ކަމަށެވެ. އަލިބެ ބުނީ ފުލުހުންނަށް ހުރަސް އަޅާ ފުލުހުން ކޮށްޕާހެދި ކަމަށް ފުލުހުން ބުނި ނަމަވެސް އެފަދަ ކަމެއް ކޮށްފައި ނުވާނެ ކަމަށެވެ.
އާދިއްތަ ދުވަހުގެ ހެނދުނު 10:00އަށް ކުޅުދުއްފުށި ޕޮލިސް ސްޓޭޝަނަށް ހާޒިރު ވުމަށް އެންގުމުން ހާޒިރުވި ކަމަށާއި މި ތަހުގީގަށް ގާނޫނީ ވަކީލެއްގެ އެހީތެރިކަން ބޭނުންވާ ކަމަށް ބުނުމުން ގާނޫނީ ވަކީލެއް ހަމަޖެއްސުމަށްފަހު ފުލުހުންނަށް އެންގުމަށް ފުލުހުން ބުނެފައިވާ ކަމަށް އަަލިބެ ބުންޏެވެ.
Kulhudhuffushi MDP Senior Activist Dhon Alibe Ah birudhekkumuge gothunn Fulus ofeehah haaziru koffi . Alibe govaalanee #HukumThanfeez kurumah @PoliceMv pic.twitter.com/byuNIvLKOf
— faraa farhaan (@faraa_farhaan) March 11, 2018
މާލެއެކޭ އެއްގޮތަށް ކުޅުދުއްފުށީގައިވެސް އެކެއް ފެބްރުއަރީގައި ސުޕްރީމް ކޯޓުން ނެރެފައިވާ އަމުރު ތަންފީޒު ކުރުމަށް ގޮވާލާ އިހުތިޖާޖުތައް ދަނީ ބާއްވަމުން ނެވެ.
ކުޅުދުއްފުއްޓަކީ އެމްޑީޕީއަށް ތާއީދު ކުރާ ބޮޑު އާބާދީއެއް އޮންނަ ރަށެކެވެ. ކުޅުދުއްފުށި ކައުންސިލާއި ހދ އަތޮޅު ކައުންސިލްގެ މެޖޯރިޓީ އަކީ އެމްޑީޕީއަށް ނިސްބަތްވާ މެމްބަރުންނެވެ.
ކުޅުދުއްފުށީގައި އެމްޑީޕީގެ ގިނަ ހަރަކާތްތަކެއް ވެސް ދަނީ ހިންގަމުންނެވެ.