ވިއެޓްނާމްގެ ވިނަމިލްކް ކުންފުނިން އުފައްދާ ކިރު ވާދީ ޓްރޭޑަސް އިން ރާއްޖެއަށް ތައާރަފުކޮށްފިއެވެ.

މި ކިރު ރާއްޖެއަށް ތައާރަފްކޮށްފައިނީ ހުކުރު ދުވަހުގެ ރޭ ހޮޓެލް ޖެންގައި ބޭއްވި ރަސްމިއްޔާތެއްގައެވެ.

ރަސްމިއްޔާތުގައި ވާހަކަ ދައްކަވަމުން ވިނަމިލްކްގެ އިންޓަރނޭޝަނަލް ބިޒްނަސް މެނޭޖަރ ވިން ވިދާޅުވީ ރާއްޖޭގައި އެ ކުންފުނީގެ އުފެއްދުމެއް ތައާރަފުކުރުމުގެ ފުރުސަތު ލިބުމުން އުފާ ކުރާ ކަމަށާއި ކުރިއަށް އޮތްތަނުގައި އެ ކުންފުނީގެ އިތުރު އުފެއްދުންތައް ރާއްޖެއަށް އެތެރެ ކުރާނެ ކަމަށެވެ.

ވިނަމިލްކް ކުންފުންޏަކީ 1976 ވަނަ އަހަރު އުފައްދާފައިވާ ކުންފުންޏެކެވެ. އަދި މި ކުންފުންޏަކީ ވިއެޓްނާމްގައި ކިރު އުފައްދާ އެންމެ ބޮޑު އެއް ކުންފުންޏެވެ.

ވާދީ ޓްރޭޑަސްގެ ޖެނެރަލް މޭނެޖަރ ހުސެއިން ސޯލިހް ވިދާޅުވީ މި ކިރު ރާއްޖެއަށް ތައާރަފުކުރަން ނިންމީ ކޮލިޓީ ރަނގަޅުވެފައި، ހެޔޮ އަގެއްގައި ކަސްޓަމަރުންނާއި ހަމައަށް ފޯރުކޮށްދިނުމަށް ކަމަށެވެ. އަދި މި ޕްރޮޑަކްޓަކީ ނިއުޓްރިޝަންގެ ގޮތުން ބެލިޔަސް ސިއްހަތަށް ފައިދާ ހުރި ބުއިމެއް ކަމަށް ސޯލިހް ފާހަގަކުރެއްވިއެވެ.

ވާދީ ޓްރޭޑަސްގެ ފަރާތުން ތައާރަފުކޮށްފައިވަނީ ވިނަމިލްކްގެ 110 އެމްއެލް އާއި 180 އެމްއެލްގެ ސްޓްރޯބެރީ އަދި ޗޮކްލެޓް ފްލޭވަރގެ ޕެކެޓްތަކެވެ. އަދި މީގެ އިތުރުން ވިނަމިލްކްގެ ފްރެޝް މިލްކްގެ 1 ލީޓަރު ޕެކެޓްވެސް ވަނީ ތައާރަފުކޮށްފައެވެ.

ވިނަމިލްއަކީ ފޯބްސް މަޖައްލާއިން ހޮވާ އޭޝިއާގެ އެންމެ ފާހަގަކޮށްލެވޭ 200 ކުންފުނީގެ ތެރޭގައި ހިމެނޭ ކުންފުންޏެކެވެ.