ޖަޕާންގެ ފޮރިން މިނިސްޓަރު އަންނަ މަހު ރާއްޖެވަޑައިގަންނަވަނީ
26 ޑިސެމްބަރު 2017 | އަންގާރަ 12:35ޓަރޯ ކޯނޯ ރާއްޖެވަޑައިގަތުމަށް ހަމަޖެހިފައި ވަނީ ޖެނުއަރީ މަހު ހަ ވަނަ ދުވަހު
މުހަންމަދު ވިސާމް | 26 ޑިސެމްބަރު 2017 | އަންގާރަ 12:35
ޗަޕާނުގެ ޕޮރިން މިނިސްޓަރު ޓަރޯ ކޯނޯ
ޖަޕާނުގެ ޕޮރިން މިނިސްޓަރު ޓަރޯ ކޯނޯ ރާއްޖެވަޑައިގަތުމަށް ހަމަޖެހިއްޖެއެވެ.
ޓަރޯ ކޯނާ ރަސްމީ ދަތުރުފުޅެއްގައި ރާއްޖެ ވަޑައިގަތުމަށް ހަމަޖެހިފައިވާކަން ހާމަކުރީ ފޮރިން މިނިސްޓްރީންނެވެ. އެ މިނިސްޓްރީން ބުނީ ޖަޕާނުގެ ޕޮރިން މިނިސްޓަރު ރާއްޖެ ވަޑައިގަތުމަށް ހަމަޖެހިފައިވަނީ އަންނަ ޖެނުއަރީ މަހުގެ ހަ ވަނަ ދުވަހު ކަމަށެވެ.
މި ދަތުރުފުޅުގައި ޖަޕާންގެ ފޮރިން މިނިސްޓަރު ރައީސް އަބްދުﷲ ޔާމީންނާއި ބައްދަލުކުރެއްވުމަށް ވަނީ ހަމަޖެހިފައެވެ. އަދި މިނިސްޓަރު ޑރ. މުހައްމަދު އާސިމާ ބައްދަލުކުރައްވައި މަޝްވަރާ ކުރެއްވުމަށް ހަމަޖެހިފައިވާ ކަމަށް އެ މިނިސްޓްރީން ވަނީ ބުނެފައެވެ.
