ސަފީރުކަމުން ވަކިކުރި ޒާހިޔާ ޒަރީރަށް އެމްބެސެޑާ އެޓް ލާޖުގެ މަގާމު ދެއްވައިފި
ޒާހިޔާ އަންޔަން ކޮށްފައި ވަނީ ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމަށް
ޒާހިޔާ އާއި މުންދު
ޒާހިޔާ ޒަރީރަށް ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމު ދެއްވައިފިއެވެ.
ރާއްޖެއިން ސްރީލަންކާއަށް ކަނޑައަޅާ ސަފީރުކަމުން ވަކިކުރި ޒާހިޔާ ޒަރީޒުއަށް ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމު ދެއްވިކަން ވަނީ ކަށަވަރުވެފައެވެ. ޒާހިޔާ ރާއްޖެއިން ސްރީލަންކާއަށް ކަނޑައަޅާ ސަފީރުގެ މަގާމުން ވަކިކުރި މައްސަލައާއި ގުޅިގެން މިހާތަނަށް ރަސްމީ ބަހެއް ވެސް ވަނީ ލިބޭ ގޮތް ނުވެފައެވެ.
2014 ވަނަ އަހަރު މެއި މަހުގެ 20 ވަނަ ދުވަހު ޒާހިޔާ ރާއްޖެއިން ސްރީލަންކާއަށް ކަނޑައަޅާ ސަފީރުގެ މަގާމަށް އަންޔަން ކުރުމަށް ފަހު އެ މަގާމުން އޭނާ ވަކިކުރީ މި އަހަރުގެ އޯގަސްޓް މަހުގެ ތެރޭގައެވެ. ޒާހިޔާ އެ މަގާމުން ވަކިކުރެއްވުމަށް ފަހު ސްރީލަންކާއަށް ރާއްޖެއިން ކަނޑައަޅާ ސަރީރަކަށް މުހައްމަދު ހުސެއިން ޝަރީފް ވަނީ ހަމަޖައްސާފައެވެ.
