ހަމައެނި އަންހެން ކުރޫއިންނާއެކު ދަތުރުކޮށް އިތިއޯޕިއަން އެއާލައިންސް ތާރީހުގެ ތެރެއަށް

އިތިއޯޕިއަން އެއާލައިންސް އިން ހަމައެކަނި އަންހެން ކުރޫއިންނާއެކު ދަތުރުކޮށް ތާރީޚުގެ ތެރެއަށް ވަދެއްޖެއެވެ.

އެޑިސް އަބާބާއިން ނައިޖީރިއާގެ ލާގޮސްއަށް ދަތުރުކުރި މި ފްލައިޓް ފުރީ ހޮނިހިރު ދުވަހުގެ ހެނދުނުއެވެ. އެ ފްލައިޓް ވަނީ ފަސް ގަޑިއިރާއި ތިރީސް މިނެޓްގެ ދިގު ދަތުރެއް ކޮށްފައެވެ.

މި ފްލައިޓުގެ ކެޕްޓަނަކީ އަމްސޭލް ގުއާލޫ ކިޔާ އަންހެނެކެވެ. ގުއާލޫ ވެފައިވަނީ އިތިއޯޕިއާގެ އެންމެ ފުރަތަމަ އަންހެން ޕައިލެޓަށެވެ. އޭނާ އަށް ޕައިލެޓްކަން ލިބުނީ 2010 ވަނަ އަހަރުގައެވެ.

މީގެ ކުރިންވެސް މިއަހަރުގެ މާޗްމަހުގައި މަލާވީ އެއާ އިން ވަނީ މަލާވީގެ ބްލަންޓައިރޭ އިން ޓެންޒޭނިއާގެ ދާރުއްސަލާމަށް، އަންހެން ކުރޫންނާއެކު ދަތުރުކޮށްފައެވެ.