"ގޯލްޑަން ހޯސް ފިލްމު އެވޯޑް"ގެ ސަޕޯޓިން އެކްޓްރެސްގެ އެވޯޑް ޗައިނާގެ ވިކީ ޗެންއަށް ލިބިއްޖެއެވެ.

އުމުރުން 14 އަހަރުގެ ވިކީ ޗެންއަށް އެންމެ މޮޅު ސަޕޯޓިން އެކްޓްރެސްގެ އެވޯޑް ލިބުނީ އޭނާ ކުޅުނު ފިލްމު "ދަ ބޯލްޑް ދަ ކޮރަޕްޓު އެންޑް ދަ ބިޔުޓިފުލް" އިންނެވެ.

ޗައިނާ ބަހުގެ ފިލްމުތަކަށް ހުޅުވާލައިގެން ކޮންމެ އަހަރަކު ޓައިވާންގައި ބާއްވާ "ގޯލްޑަން ހޯސް ފިލްމު އެވޯޑްސް" ގައި ވިކީ ޗެން ވަނީ ބެސްޓް ލީޑިން އެކްޓްރެސް އަށްވެސް ނޮމިނޭޓް ވެފައެވެ.

އޭނާ ބެސްޓް ލީޑިން އެކްޓްރެސްއަށް ނޮމިނޭޓްވީ "އޭންޖަލްސް ވެއަރ ވައިޓް" އިންނެވެ.

މި އެވޯޑް ހަފްލާގެ އެހެން އެވޯޑްތަކަށް ބަލާއިރު އެންމެ މޮޅު ސަޕޯޓިން އެކްޓަރ އަކަށް ހޮވުނީ  "އަލިފު ދަ ޕްރިންސް/އެސްއެސް" ގެ ތަރި ބަންބޫ ޗެންއަށެވެ.

އެންމެ އައުޓްސްޓޭންޑިން ފިލްމު ހަދާމީހަކަށް ހޮވުނީ ހޫ ޑިންގް ޖީއެވެ. އަދި އެންމެ މޮޅު އާ ތަރިއަކަށް ހޮވުނީ "މިސިން ޖޯނީ" އިން ރިމާ ޒައިދާންއަށެވެ.

ވިކީ ޗެން ވަނީ ޓީވީ ސީރީޒްތަކުންވެސް ފެނިގެން ގޮސްފައެވެ.

ވިކީ ޗެން ކުޅެފައިވާ ޓީވީ ސީރީޒްތަކުގެ ތެރޭގައި "ލޭޑީސް ހައުސް"(2014)، "ކުނބާ ގިއޯމާ"(2015)، "ޒޮންގް ބައޯ ޒިންގް ފޫ"(2016)، އަދި "ސުނޯ ކުއީން"(2017) ހިމެނެއެވެ.

އޭނާ ކުޅެފައިވާ ފިލްމުތަކުގެ ތެރޭގައި "ރޯލާ ކޯސްޓާ"(2013)، "ފޯރ އަ ފިއު ބުލެޓްސް"(2016)، "ބްލަޑް އޮފް ޔޫތު"(2016) ހިމެނެއެވެ.