ކ. މާލެ
|
24 ނޮވެންބަރ 2017 | ހުކުރު 16:22
ރެއާލް މެޑްރިޑަށް ކުޅެމުން އަންނަ ފްރާންސްގެ ފޯވާޑް ކަރިމް ބެންޒެމާ
ރެއާލް މެޑްރިޑަށް ކުޅެމުން އަންނަ ފްރާންސްގެ ފޯވާޑް ކަރިމް ބެންޒެމާ
ގެޓީ އިމޭޖަސް
ކަރިމް ބެންޒެމާ
ބެންޒެމާ ހޯދުމަށް އާސެނަލް އިން ހުށަހެޅި 40 މިލިއަން ޕައުންޑުގެ ބިޑް ކާމިޔާބު ނުވި
 
ބެންޒެމާ ހޯދުމަށް ހުށަހެޅި 40 މިލިއަން ޕައުންޑުގެ ބިޑް ރިޖެކްޓްކުރީ ރެއާލް އިން

ރެއާލް މެޑްރިޑަށް ކުޅެމުން އަންނަ ފްރާންސްގެ ފޯވާޑް ކަރިމް ބެންޒެމާ ހޯދުމަށް އާސެނަލް އިން ހުށަހެޅި 40 މިލިއަން ޕައުންޑުގެ ބިޑް ކާމިޔާބު ނުވިކަމަށް ރިޕޯޓްތައް ބުނެފިއެވެ.

ސްޕެއިންގެ ނޫހެއްކަމަށްވާ "ޑިއާރިއޯ ގޮލް" އިން ބުނީ އަންނަ ޖެނުއަރީ ޓްރާންސްފާ އަށް އަމާޒުކޮށް ބެންޒެމާ ހޯދުމަށް އާސެނަލް އިން ހުށަހެޅި 40 މިލިއަން ޕައުންޑުގެ ބިޑް ރެއާލް އިން ރިޖެކްޓްކޮށްލާފައިވާ ކަމަށާއި، އޭނާ އެހެން ކްލަބަކަށް ވިއްކާލުމުގެ ވިސްނުމެއް އެ ކްލަބުން ނުގެންގުޅޭ ކަމަށެވެ.

ބެންޒެމާ ހޯދުމަށް މީގެކުރިންވެސް އާސެނަލް އިން މަސައްކަތްކޮށްފައިވާއިރު، އޭނާ ހޯދުމަށް އެހެން ކްލަބްތަކުންވެސް އަންނަނީ މަސައްކަތްކުރަމުންނެވެ. އޭގެ ތެރޭގައި އިޓަލީ އަދި ސްޕެއިންގެ ކްލަބްތައްވެސް ހިމެނެއެވެ.

މި ސީޒަނުގައި ބެންޒެމާގެ ކުޅުމާ ގުޅޭގޮތުން ގިނަބައެއްގެ ފާޑުކިޔުން އޭނާ އަށް އަމާޒުވެފައިވާއިރު، ރެއާލް އަށް މި ސީޒަނުގައި ބެންޒެމާ ކުޅުނު 14 މެޗުގައި ކާމިޔާބުކުރެވުނީ އެންމެ ހަތަރު ލަނޑެވެ.

ރިޕޯޓްތައް ބުނާގޮތުން ޖެނުއަރީ ޓްރާންސްފާގައި ބެންޒެމާ ވިއްކާލުމަށްފަހު އިތުރު ފޯވާޑެއް ގެނައުމަށް އެ ކްލަބުން އަންނަނީ މަސައްކަތްކުރަމުންނެވެ. އެގޮތުން ޗެލްސީއަށް ކުޅެމުން އަންނަ ބެލްޖިއަމްގެ ކެޕްޓަން އެޑެން ހަޒާޑް ހޯދުމަށް ރެއާލް އިން މަސައްކަތްކުރަމުން އަންނަ ކަމަށްވެސް ރިޕޯޓްތައް ބުނެއެވެ.

ފްރާންސްގެ ލިޔޯން އިން 2004 ވަނަ އަހަރު ކެރިއަރު ފެށި ބެންޒެމާ ރެއާލް އަށް ބަދަލުވީ 2009 ވަނަ އަހަރެވެ. އޭނާ ވަނީ މިހާތަނަށް އެ ކްލަބަށް ކުޅުނު 379 މެޗުގައި 184 ލަނޑު ކާމިޔާބުކޮށްފައެވެ.

ބެންޒެމާ ވަނީ ރެއާލްއާ އެކު ދެ ލަލީގާ، ދެ ކޮޕާޑެލްރޭ، ދެ ސްޕެނިޝް ސުޕާކަޕް، ތިން ޗެމްޕިއަންސް ލީގު، ތިން ޔުއެފާ ސުޕާ ކަޕް އަދި ދެ ކްލަބް ވޯލްޑްކަޕް ކާމިޔާބުކޮށްފައެވެ.  

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މިއުވާން މުހައްމަދު
0%
0%
100%
0%
0%
0%
ކޮމެންޓް
ގުޅުންހުރި