ނާސާއިން ޖުޕިޓާގެ އައު އާދަޔާ ހިލާފު، ގިނަ ފޮޓޯތަކެއް އާންމު ކޮށްފިއެވެ.
ޖައްވީ އުޅަނދު ޖޫނޯއިން އޮކްޓޫބަރު 24 ވަނަ ދުވަހު ނަގާފައިވާ ފޮޓޯތައް ނާސާއިން އާންމު ކޮށްފައިވާއިރު ފޮޓޯތައް ނަގާފައިވަނީ ޖުޕިޓާރ އާއި 20577 މޭލު ދުރުންނެވެ.
ނާސާއިން ޖައްވީ އުޅަނދު 'ޖޫނޯ' ޖުޕިޓާގެ އޯބިޓަށް ވަދެފައިވަނީ 2016 ވަނަ އަހަރުއެވެ. 2011 ވަނަ އަހަރުގެ އޯގަސްޓް މަހު ލޯންޗް ކުރި މި ޖައްވީ އުޅަނދު ޖުޕިޓާއާ ހިސާބަށް ފޯރާފައިވަނީ 2.8 ބިލިއަން ކިލޯމީޓަރު ދަތުރު ކުރުމަށް ފަހު ޖުލައި 2016 ގައެވެ.
ޖުޕިޓާއާއި ބެހޭ މައުލޫމާތު ހޯދުމަށް ނާސާއިން ފޮނުވާފައިވާ މި ޖައްވީ އުޅަނދުން ޖުޕިޓާގެ ޖައްވާއި ބެހޭގޮތުން ދިރާސާކޮށް ޖުޕިޓާގެ ވަށައިގެންވާ ހަނދުތަކާއި ބެހޭ މައުލޫމާތު އެއްކުރުމަށް ވަނީ ހަމަޖެހިފައެވެ.
