ޓްވީޓް ކުރާއިރު ބޭނުންކުރެވޭ ކެރެކްޓާ ލިމިޓް 140ން 280އަށް

މަޝްހޫރު ސޯޝަލް މީޑިއާ ޕްލެޓްފޯމް ޓްވިޓާގައި ޓުވީޓް ކުރަން ކަނޑައަޅާފައި އޮތް 140 ކެރެކްޓާގެ ލިމިޓް 280 އަށް ބަދަލުކޮށްފިއެވެ.

އަންގާރަ ދުވަހު ޓުތިޓާއަށް ރަސްމީކޮށް މިބަދަލު އައި ނަމަވެސް ޓްވިޓާއިން ، ފާއިތުވެދިޔަ ސެޕްޓެމްބަރުންމަހުން ފެށިގެން ވަނީ ޓްވިޓާ ބޭނުންކުރާ ބައެއް ފަރާތްތަކަށް މި އަޕްޑޭޓް ޓެސްޓް ކުރުމުގެ ގޮތުން ފޯރުކޮށްދީފައިއެވެ. މި ބަދަލާއިއެކު ޓުވިޓާ ބޭނުންކުރާ ގިނަ ފަރާތްތަކެއްގެ ފާޑުކިޔުން ޓުވިޓާއަށް އަމާޒުވެފައިވާއިރު 280ގެ ކެރެކްޓާ ލިމިޓް ބޭނުންކޮށްގެން ޓުވީޓްކޮށްފައިވަނީ އެންމެ ފަސް ޕަސެންޓް މީހުންނެވެ.

ޓްވިޓާގެ މި އަޕްޑޭޓް ޗައިނާ، ކޮރެއާ އަދި ޖަޕާނު ފަދަ ގައުމުތަކަށް ލިބިގެނެއް ނުދާނެއެވެ. މިއީ 2006 ވަނަ އަހަރު ޓުވިޓާ ތަޢާރަފު ކުރި ފަހުން ބޭނުން ކުރަމުން އައި 140ގެ ކެރެކްޓާ ލިމިޓް ބަދަލުކުރި ފުރަތަމަ ފަހަރެވެ.