އިންޑިއާގެ ހުރިހާ ރައްޔިތުން ފިލްމް "ޕަދްމަވަތީ"އާ މެދު ފަޙްރުވެރިވާނެ ކަމަށް ޝާހިދު ބުނެފި

އިންޑިއާގެ ހުރިހާ ރައްޔިތުން ފިލްމް "ޕަދްމަވަތީ" އާ މެދު ފަޙްރުވެރިވާނެ ކަމަށް މަޝްހޫރު އެކްޓަރ ޝާހިދު ކަޕޫރް ބުނެފިއެވެ.

އޭނާ ވަނީ އިންޑިއާގެ ހުރިހާ ރައްޔިތުންނަށް ފިލްމް ބެލުމުގެ ކުރިން ފިލްމް ޖަޖްނުކުރުމަށް އިލްމާސްކޮށްފައެވެ.

މި ފިލްމަކީ މިއަހަރުގެ ޑިސެމްބަރ މަހު ރިލީޒްކުރުމަށް ހަމަޖެހިފައިވާ ފިލްމެކެވެ.

ފިލްމް ޑައިރެކްޓް ކޮށްފައި ވަނީ އިންޑިއާގެ މަޝްހޫރު ޑައިރެކްޓަރެއް ކަމަށްވާ ސަންޖޭ ލީލާ ބަންސާލީއެވެ.

ފިލްމް ކުރިން ރިލީޒް ކުރަން ނިންމާފައި ވަނީ މި އަހަރުގެ ނޮވެމްބަރ މަހު އެވެ. އެހެން ނަމަވެސް ފިލްމް ރިލީޒްކުރާ ތާރީޙް ފަސްކުރަން ނިންމާފައި ވަނީ އިންޑިއާގެ އަވަށެއް ކަމަށްވާ ރާޖިސްތާންގައި ކުރި މުޒާހަރާތަކަކާ ގުޅިގެން ކަމަށް ރިޕޯޓްތައް ބުނެއެވެ.