ނުވަ މީހެއްގެ މައްޗަށް މޮނިކޮން އަމަރު ހޯދުމަށް ހައިކޯޓަށް ހުށަހަޅައިފި
11 އޮކްޓޯބަރު 2017 | ބުދަ 07:0216 މީހެއްގެ ފައިގައި ޓެގު އެޅުވުމަށް ހޯމް މިނިސްޓްރަށް އެދެފައިވާ ކަމަށް ފުލުހުން ބުނޭ
މަރާމާރީ ތަކާއި ގުޅިގެން ފުލުހުންދަނީ މާލޭގަައި ޚާއްސަ އޮޕްރޭޝަނެއް ފަށާފައި
ނުވަ މީހެއްގެ މައްޗަށް މޮނިކޮން އަމުރު ނެރުމަށް ހައިކޯޓަށް ހުށަހަޅައިފިއެވެ.
ފުލުހުން ބުނީ އެ ނުވަ މީހުންގެ މައްޗަށް މޮނިކޮން އަމުރު ހޯދުމަށް ހައިކޯޓަށް ހުށަހަޅާފައިވަނީ އަންގާރަ ދުވަހު ކަމަށެވެ.
ނުވަ މީހުންގެ މައްޗަށް މޮނިކޮން އަމުރު ނެރުމަށް އޮކްޓޯބަރު މަހުގެ އެއް ވަނަ ދުވަހު ކޮމެޓީން ފާސްކޮށްފައިވާ ކަމަށް މީގެ ކުރިން ފުލުހުން ބުނެފައިވެއެވެ.
ނުވަ މީހެެއްގެ މައްޗަށް މޮނިކޮން އަމުރު ނެރެން ފާސްކޮށްފައިމިވަނީ، 16 މީހެއްގެ ފައިގައި ޓެގު އެޅުވުމަށް ހޯމް މިނިސްޓްރަށް އެދެފައިވާ ކަމަށް މީގެ ކުރިން ފުލުހުން ބުނެފައިވަނިކޮށެވެ. ނަމަވެސް މިކަމުގެ އިތުތަފްސީލެއް ފުލުހުން ހާމައެއް ނުކުރެއެވެ.
މާރާމާރީ ހުއްޓުވުމަށް އަމާޒުކޮށްގެން ޓެރަރިޒަމް މަނާ ކުރުމުގެ ގާނޫނުގެ 29 ވަނަ މާއްދާގެ ދަށުން މޮނިކޮން އަމުރު ނެރެން ފެށީ 2016 ވަނަ އަހަރުގެ މާޗް މަހުގެ ތެރޭގައި ހޯމް މިނިސްޓަރަކަށް އުމަރު ނަސީރު ހުންނެވި ދުވަސްވަރެވެ. އެފަހަރު 20 މީހެއްގެ ފައިގައި ގެޓް އަޅުވައި، ގަވާއިދުން އެމީހުންގެ ހަރަކާތްތައް ބަލާފައިވާއިރު، އުމަރު ނަސީރު މިނިސްޓަރުކަމުން އިސްތިއުފާދެއްވި ފަހުން އަދި މީހެއްގެ ފައިގައި ޓެގް އަޅުވާފައެއް ނުވެއެވެ.
ރާއްޖޭގައި ކުށްކުރުން އިތުުރުވެ ވޭތިވެދިޔަ 3 އަހަރު ދުވަހުގެ ތެރޭގައި 26 މީހަކު ވަނީ ރަޙުމްކުޑަ ހަމަލާތަކުގައި މަރާލާފައެވެ.
