ކުރިއަށް އޮތް ފަސް ދުވަހު މޫސުން ގޯސްވެ ބޯކޮށް ވާރޭވެހޭނެތީ ސަމާލުވުމަށް އިލްތިމާސްކޮށްފި
12 ނޮވެމްބަރު 2026 | ބުރާސްފަތި 08:58މެދުރާއްޖެތެރެއާއި ދެކުނަށް ކުރިއަށް އޮތް ދުވަސްތަކުގައި މޫސުން ގޯސްވާނެތީ، ކަނޑުދަތުރުކުރާ ފަރާތްތަކުން ސަމާލުވުމަށް މޫސުމާބެހޭ ގައުމީ އިދާރާއިން ވަނީ އިލްތިމާސްކޮށްފައި. ބައެއް ރަށްތަކަށް ބޯކޮށް ވާރޭވެހި ވިލާގަނޑުގައި 35 މޭލަށް ވައިގަދަވާނެ ކަމަށް ލަފާކުރެވޭއިރު، އުތުރުގެ ރަށްތަކަށް މޫސުން އަލިވާން ފަށާނެ ކަމަށް އެ އިދާރާއިން ބުނޭ
މޫސުން ގޯސް ދުވަހެއްގައި މާލެއަށް އުދަ އަރަނީ | ރާއްޖެއެމްވީ
ކުރިއަށް އޮތް 5 ދުވަހު ރާއްޖޭގެ މޫސުން ވަރަށް ގޯސްވާނެ ކަމަށް މޫސުމާބެހޭ ގައުމީ އިދާރާއިން ބުނެފި އެވެ.
މޫސުމާބެހޭ ގައުމީ އިދާރާއިން ބުނީ، ކުރިއަށް އޮތް 5 ދުވަހު ރާއްޖޭގެ އުތުރުގެ ރަށްތަކަށް ކެރީގެ އަސަރުކުރި ނަމަވެސް ކުރިއަށް އޮތް ދުވަސްތަކުގައި އުތުރަށް މޫސުން އަލިވާން ފަށާނެ ކަމަށެވެ. ނަމަވެސް މެދުރާއްޖެތެރެއާއި ދެކުނުގެ ރަށްތަކަށް އަދިވެސް ވިއްސާރަ ކުރާނެ ކަމަށް އެއިދާރާއިން ބުނެ އެވެ.
ކުރިއަށް އޮތް 24 ގަޑިއިރު މޫސުން ލަފާކުރާ ގޮތަށް ބަލާއިރު، އެކިހިސާބަށް ވިއްސާރަ ކުރާނެ ކަމަށާއި، ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށް މޫސުމާބެހޭ ގައުމީ އިދާރާއިން ބުނެ އެވެ. ދެކުނާއި ހުޅަނގުދެކުނުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި، ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައިގަދަވުން އެކަށީގެންވާ ކަމަށް އެއިދާރާއިން ބުނެ އެވެ. އަދި ކަނޑުތައް އާދައިގެ ވަަރަކަށް މަޑުވެފައި ވިލާގަނޑުގައި އާދައިގެ ވަަރަކަށް ގަދަވާނެ ކަމަށް އެއިދާރާއިން ބުނެ އެވެ.
މީގެ އިތުރުން މޫސުމާބެހޭ ގައުމީ އިދާރާއިން ބުނީ، ބުދަ ދުވަހުގެ ހެނދުނު 8:00ން ބުރާސްފަތި ދުވަހުގެ ހެނދުނު 8:00ށް ބ.ތުޅާދޫއަށް 84.3 މިލިމީޓަރުގެ ވާރޭ ވެހިފައިވާ ކަމަށެވެ. އަދި އިފުރު އެއަރޕޯޓަށް 64.5 މިލިމީޓަރުގެ ވާރޭ، ބ.ގޮއެދޫއަށް 42.8 މިލިމީޓަރުގެ ވާރޭ، ކ.ގާފަރަށް 38.6 މިލިމީޓަރުގެ ވަރޭ ވެހިފައިވާ ކަމަށް އެއިދާރާއިން ބުނެ އެވެ.
ހުޅަނގު މޫސުމުގެ ބާރުގަދަވެ، މުޅި ރާއްޖޭގެ މޫސުން ގޯސްވެފައިވާތީ ހުރިހާ ފަރާތްތަކުން މޫސުމަށް ސަމާލުމަށް ކަމާބެހޭ އިދާރާތަކުން އިލްތިމާސްކޮށްފައިވެ އެވެ. ޚާއްސަކޮށް ކަނޑުދަތުރުކުރާ ފަރާތްތަކުން ފުރުމުގެ ކުރުމަށް މޫސުމަށް ބެލުމަށްފަހު ނޫނީ ކަނޑުމައްޗަށް ނޭރުމަށް އެދިފައިވެ އެވެ.
