ރިއަލް އެސްޓޭޓް ބިލަކީ މި ޤައުމު ކާފިރުންނާއި ބޭރުގެ މަހުޖަނުންތަކަކަށް ހިބަކޮށްދޭން މަކަރުވެރިކަމާއެކު ހަދާފައިވާ ބިލެއް: ޝެއިހް ޒަމްޒަމް ފާރިޝް
11 ނޮވެމްބަރު 2026 | ބުދަ 08:26ރިއަލް އެސްޓޭޓް ބިލަކީ ދިވެހި ފަސްގަނޑު ބޭރުގެ މަހުޖަނުންނަށް ހިބަކޮށްދިނުމަށް ހަދާފައިވާ މަކަރުވެރި ބިލެއް ކަމަށް ވިދާޅުވެ ޝެއިޚް ޒަމްޒަމް ފާރިޝް ވަރަށް ބޮޑަށް ފާޑުވިދާޅުވެއްޖެ. މި ބިލަކީ ކާބަފައިން ވާރުތަކޮށްދިން މި ޤައުމަށް ވެވޭ ބޮޑު ޚިޔާނާތެއްގެ ގޮތުގައި ސިފަކުރައްވައި، ޤައުމު ދިފާޢުކުރުމަށް ހުރިހާ ދިވެހިން ސަމާލުވުމަށް އޭނާ ގޮވާލެއްވި
ޝެއިހް ޒަމްޒަމް ފާރިޝް | ސޯޝަލް މީޑިއާ
ރިއަލް
އެސްޓޭޓް ބިލަކީ މި ޤައުމު، ލޯމަރާލާފައި ކާފިރުންނާއި ބޭރުގެ މަހުޖަނުންތަކަކަށް ހިބަކޮށްދޭން
މަކަރުވެރިކަމާއެކު ހަދާފައިވާ ބިލެއްކަމަށް ޝެއިހް ޒަމްޒަމް ފާރިޝް ވިދާޅުވެއްޖެ
އެވެ.
ޝެއިހް ޒަމްޒަމް ފާރިޝް ލިޔުއްވި ޕޯސްޓުގައި ވިދާޅުވީ، އެ ބިލު ކިޔާލުމުން ޔަޤީންވެގެން ދިޔައީ މިއީ ދިވެހި ޤައުމު ބޭރުގެ ފަރާތްތަކަށް ހިބަކޮށްދޭން ހަދާފައިވާ މަކަރުވެރި ބިލެއް ކަމަށެވެ. އެ ބިލަކީ މަކަރުވެރިކަމާއި ހީލަތްތެރިކަމާއި ޣަދަރުވެރިކަމާއި ޚިޔާނާތްތެރިކަމުން ފޯވެފާވެފައިވާ ކަޅު އަނދިރި ހާސަރުގަނޑެއް ކަމަށް ޝެއިހް ފާރިޝް ސިފަކުރެއްވި އެވެ.
ޝެއިހް ފާރިޝް ވިދާޅުވީ، ދިވެހި ޤައުމަކީ ކާބަފައިންނާއި އަބުޠާލުންނާއި އިހުގެ ދިވެހި ރައްޔިތުން އެތައް ހާސް އަހަރެއް ވަންދެން ބަލަހައްޓައި، ހިމާޔަތްކޮށް، ދިފާޢުކުރަމުން އައިސް ވާރުތަކޮށްދީފައިވާ މުޅި ދިވެހީންގެ މިލްކެއް ކަމަށެވެ.
އެހެންކަމުން އެފަދަ ޤައުމެއް ލޯމަރާލާފައި ކާފިރުންނާއި ބޭރުގެ މަހުޖަނުންތަކަކަށް ހިބަކޮށްދިނުމަކީ ވަރަށް ބޮޑު ޚިޔާނާތެއް ކަމަށް އޭނާ ވިދާޅުވި އެވެ.
ޝެއިހް ފާރިޝްގެ ޕޯސްޓުގައި ވަނީ، މި ޚިޔާނާތުގެ ކިބައިން ދިވެހިން މިންޖު ކުރައްވައި ސަލާމަތް ކުރައްވަން އެދި ދުއާކުރައްވާފަ އެވެ.
ޝެއިހް ވިދާޅުވީ، ދިވެހި ޤައުމު ދިފާޢުކުރުމަކީ ހުރިހާ ދިވެހިންގެ މައްޗަށް އޮތް ޒިންމާއެއް ކަމަށާއި، އެކަން ކުރުމަށް އެންމެންވެސް ތައްޔާރަށް ތިބުން މުހިންމު ކަމަށެވެ.
