2026 ގެ ތިން ވަނަ ކުއާޓަރުގައި ޒަކާތުގެ ގޮތުގައި ލިބުނު މިންވަރު 13.9 އިންސައްތަ އިތުރުވެ، 29.8 މިލިއަން ލިބިއްޖެ
9 ނޮވެމްބަރު 2026 | ހޯމަ 09:44މި އަހަރުގެ ތިންވަނަ ކުއާޓަރުގައި މުދަލު ޒަކާތުގެ ގޮތުގައި 29.8 މިލިއަން ރުފިޔާ ލިބިފައިވާއިރު، މިއީ މިދިޔަ އަހަރުގެ އެ މުއްދަތާ އަޅާބަލާއިރު 13.9 އިންސައްތައިގެ ކުރިއެރުމެއް. ޒަކާތު ހައުސްއިން މި މުއްދަތުގައި އެކި ބައިތަކަށް 15.3 މިލިއަން ރުފިޔާ ބަހާފައިވާއިރު، މީގެ ތެރެއިން އެންމެ ބޮޑު ހޭދައެއް ކޮށްފައިވަނީ ފީސަބީލިﷲ އާއި ފަގީރުންގެ ބަޔަށް
މުދަލު ޒަކާތް އިސްލާމިކް މިނިސްޓްރީން ބަލައިގަތުން | އިސްލާމިކް މިނިސްޓްރީ
މި ހިނގާ 2026 ވަނަ އަހަރުގެ ތިން ވަނަ ކުއާޓަރުގައި ޒަކާތުގެ ގޮތުގައި ލިބުނު މިންވަރު 13.9 އިންސައްތަ އިތުރުވެފައިވާ ކަމަށް މޯލްޑިވްސް ޒަކާތު ހައުސް އިން ބުނެފި އެވެ.
މޯލްޑިވްސް ޒަކާތު ހައުސްއިން ނެރެފައިވާ މިއަހަރުގެ 3 ވަނަ ކުއާޓަރގެ ތަފާސްހިސާބު ރިޕޯޓް ދައްކާގޮތުން، 2026 ވަނަ އަހަރުގެ ތިންވަނަ ކުއާޓަރުގައި މުދަލުގެ ޒަކާތުގެ ގޮތުގައި 29.86 މިލިއަން ރުފިޔާވަނީ ލިބިފަ އެވެ. މިއީ މިދިޔަ 2025 ވަނަ އަހަރުގެ މި މުއްދަތާ އަޅާބަލާއިރު 13.9 އިންސައްތައިގެ ކުރިއެރުމެކެވެ.
މި އަހަރުގެ ޖުލައި މަހުން ސެޕްޓެމްބަރު މަހުގެ ނިޔަލަށް ނެރެފައިވާ ތަފާސްހިސާބުތައް ދައްކާގޮތުން، މުދަލު ޒަކާތުގެ ގޮތުގައި ޖުމްލަ 29,856,552 (ނަވާވިސް މިލިއަން، އަށް ލައްކަ ފަންސާސް ހަ ހާސް، ފައްސަތޭކަ ފަންސާސް ދޭއް) ރުފިޔާ ލިބިފައިވެ އެވެ. މިއީ 2025 ވަނަ އަހަރުގެ ތިންވަނަ ކުއާޓަރުގައި ލިބުނު 26,217,898.70 (ސައްބީސް މިލިއަން، ދެ ލައްކަ، ސަތާރަ ހާސް، އަށް ސަތޭކަ ނުވަދިހަ އަށް ރުފިޔާ ހަތްދިހަ ލާރި) އާ އަޅާބަލާއިރު ގާތްގަނޑަކަށް 3.64 މިލިއަން ރުފިޔާގެ އިތުރުވުމެކެވެ.
މި މުއްދަތުގެ ތެރޭގައި، މޯލްޑިވްސް ޒަކާތު ހައުސް އިން ވަނީ ޒަކާތް ހައްގުވާ އެކި ބައިތަކަށް ޖުމްލަ 15.3 މިލިއަން ރުފިޔާ ޒަކާތުގެ އެހީގެ ގޮތުގައި ބަހާފަ އެވެ.
އެހީގެ އެންމެ ބޮޑު ބައެއް ހޭދަކޮށްފައިވަނީ ފީސަބީލިﷲ ގެ ބަޔަށެވެ. އެއީ 9.08 މިލިއަން ރުފިޔާ އެވެ. އަދި ފަގީރުންނާއި މިސްކީނުންގެ ބަޔަށް 5.46 މިލިއަން ރުފިޔާވަނީ ބަހާފަ އެވެ.
