ފަނޑިޔާރުންގެ ޖަމިއްޔާގެ ހިންގާ ކޮމިޓީގެ ހުސްވެފައިވާ މަޤާމަށް ކުރިމަތިލުމުގެ ފުރުސަތު ހުޅުވާލައިފި
2 ނޮވެމްބަރު 2026 | ހޯމަ 06:19ދިވެހި ފަނޑިޔާރުންގެ ޖަމިއްޔާގެ ހިންގާ ކޮމިޓީން ހުސްވެފައިވާ މަގާމަށް ކުރިމަތިލުމުގެ ފުރުސަތު ނޮވެމްބަރު 5 ވާ ބުރާސްފަތި ދުވަހުގެ 14:00 އާ ހަމައަށް މިހާރު ވަނީ ހުޅުވާލައިފައި. މި މަގާމަށް ޝައުގުވެރިވާ ފަނޑިޔާރުން، އައިޑީކާޑާއި ވަޒީފާ އަދާކުރާ ކޯޓު އެނގޭނެ ފަދަ މައުލޫމާތާއެކު އީމެއިލް މެދުވެރިކޮށް ހުށަހެޅުމަށް އެ ޖަމިއްޔާއިން އެދޭ
ފަނޑިޔާރުންގެ މަހާސިންތާ 2022 އިފްތިތާޙު ކުރުމަށް ބޭއްވި ރަސްމިއްޔާތު | ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން
ދިވެހި ފަނޑިޔާރުންގެ ޖަމިއްޔާގެ ފަސްވަނަ ދައުރުގެ ހިންގާ ކޮމިޓީގެ އިތުރު މެންބަރެއްގެ މަޤާމު ހުސްވެފައިވާތީ، އެ މަޤާމަށް ކުރިމަތިލުމަށް ޝައުޤުވެރިވާ ފަރާތްތަކަށް ފުރުސަތު ހުޅުވާލައިފި އެވެ.
ހޯމަ ދުވަހު ފަނޑިޔާރުންގެ ޖަމިއްޔާއިން ކުރި އިއުލާނެއްގައި ބުނެފައިވަނީ، ދިވެހި ފަނޑިޔާރުންގެ ޖަމިއްޔާގެ ފަސްވަނަ ދައުރުގެ ހިންގާ ކޮމިޓީގެ އިތުރު މެންބަރެއްގެ މަޤާމު ހުސްވެފައިވާ ކަމަށެވެ. އެހެންކަމުން ހިންގާ ޤަވާއިދުގެ ދަށުން އެ މަޤާމަށް މެންބަރަކު އައްޔަނު ކުރެއްވުމުގެ ކުރިން، މަޤާމަށް ޝައުޤުވެރިވާ ބޭފުޅަކު ހުރިތޯ ބެއްލެވުމަށް އެ ޖަމިއްޔާއިން ބޭނުންވާކަމަށް އިއުލާނުގައި ބުނެފައިވެ އެވެ.
އެ ޖަމިއްޔާއިން ބުނީ، މި މަޤާމަށް ޝައުޤުވެރިކަން ހުރި ފަރާތްތަކުން ނޮވެމްބަރު މަހުގެ 5 ވާ ބުރާސްފަތި ދުވަހުގެ މެންދުރު 14:00 ގެ ކުރިން އެކަން އެ ޖަމިއްޔާއަށް އީމެއިލްގެ ޒަރިއްޔާއިން އެންގުމަށް އެދޭކަމަށެވެ.
އީމެއިލް ފޮނުވާއިރު ފުރިހަމަ ނަމާއި، މަސައްކަތްކުރާ ކޯޓުގެ އިތުރުން، ގުޅޭނެ ފޯނު ނަންބަރާއި އައިޑީކާޑު އެޓޭޗް ކުރަންޖެހޭ ކަމަށް އިއުލާނުގައި ބުނެފައިވެ އެވެ.
ދިވެހި ފަނޑިޔާރުންގެ ޖަމިއްޔާއަކީ ދިވެހިރާއްޖޭގެ ފަނޑިޔާރުންގެ މަސްލަހަތު ރައްކާތެރި ކުރުމާއި، ފަނޑިޔާރުންގެ މެދުގައި އެއްބައިވަންތަކަން ގާއިމް ކުރުމަށް މަސައްކަތް ކުރާ ޖަމިއްޔާއެކެވެ. އަދި ފަނޑިޔާރުންގެ ކުޅަދާނަކަން އިތުރު ކުރުމަށާއި، ފަނޑިޔާރުންގެ މަސްލަހަތު ހިމާޔަތް ކުރުމަށް މަސައްކަތް ކުރުމަކީ އެ ޖަމިއްޔާގެ އަމާޒުތަކުގެ ތެރޭގައި ހިމެނޭ މުހިންމު ކަންކަމެވެ.
