ކ. މާފުށީ ކައިރިން ލޯންޗެއް އަޑިއަށްދާތީ އެމްއެންޑީއެފް އިން ހަރަކާތްތެރިވާން ފަށައިފި
9 އޮކްޓޯބަރު 2017 | ހޯމަ 15:52މި ހާދިސާ ހިނގައިގެން އެމްއެންޑީއެފް އަށް ރިޕޯޓްކޮށްފައިވަނީ މިރޭ 7.25 ހާއިރު
ސިމާހާ ނަސީމް | 9 އޮކްޓޯބަރު 2017 | ހޯމަ 15:52
ްއަޑިއަށް ދިޔަ ލޯންޗުގެ ފޮޓޯ
ކ. ގުރައިދޫއިން ފުރާއިގެން ވެލައްސަރު ރިސޯޓަށް ދަތުރުކުރަމުންދިޔަ "ހަލައިޓް" ނަމަކަށް ކިޔާ ލޯންޗެއް ކ މާފުށީ ކައިރިން އަޑިއަށް ދާތީ އެމްއެންޑީއެފްގެ ސީޖީއިން ހަރަކާތްތެރިވާން ފަށައިފިއެވެ.
އެމްއެންޑީއެފްގެ މީޑީއާ އޮފިޝަލް އިބްރާހިމް އާޒިމް ވިދާޅުވީ މި ހާދިސާ ހިނގައިގެން އެމްއެންޑީއެފް އަށް ރިޕޯޓްކޮށްފައިވަނީ މިރޭ 7.25 ހާއިރު ކަމަށާއި ލޯންޗު ތިލަވިއިރު 18 ދިވެހިން ލޯންޗުގައި ތިބި ކަމަށެވެ.
އާޒިމް އިތުރަށް ވިދާޅުވީ ލޯންޗަކީ ވެލައްސަރު ރިސޯޓުގެ ލޯންޗެއް ކަމަށާއި އެއްވެސް މީހަކަށް އަނިޔާ ނުވާ ކަމަށެވެ. އަދި އެމްއެންޑީއެފްގެ ކޯސްޓް ގާޑުން ލޯންޗުގައި ތިބި މީހުން ޕޮލިސް ލޯންޗަށް އަރުވާފައިވާ ކަމަަށެވެ.
