ކުކުޅު ފިހާރައިން ކޮންމެ ހަފްތާއަކު ހިލޭ ކުރަނޑި ކޭހެއް ލިބޭ ޕްރޮމޯޝަނެއް

ދިވެހިންގެ މެދުގައި މަގުބޫލު "ކުކުޅު ފިހާރަ" އިން ކޮންމެ ހަފްތާއަކު ހިލޭ ކުކުޅު ކުރަނޑި ކޭހެއް ލިބޭ ހާއްސަ ޕްރޮމޯޝަނެއް ފަށައިފި އެވެ.

ދެ މަސް ދުވަހުގެ މުއްދަތަށް ކުރިއަށް ގެންދާ މި ޕްރޮމޯޝަނަކީ އެ ފިހާރައިގެ ކަސްޓަމަރުންނަށް ހުޅުވާލައިގެން ކުރިއަށް ގެންދާ ހަރަކާތެކެވެ.

މި ޕްރޮމޯޝަންގައި ބައިވެރިވުމުގެ ފުރުސަތު ހުޅުވާލާފައިވަނީ ސޯޝަލް މީޑިއާ މެދުވެރިކޮށެވެ. އެގޮތުން ކުކުޅު ފިހާރައިގެ ފޭސްބުކް ޕޭޖުގައި ޝާއިއުކޮށްފައިވާ "ކުކުޅު ކުރަނޑި ކޭސް ޕްރޮމޯޝަން" ގެ ޕޯސްޓަށް އެންމެ ގިނައިން ލައިކް، ޝެއާ، ޓެގް އަދި ކޮމެންޓް ކުރާ ފަރާތްތަކުގެ މެދުގައި ކޮންމެ ހަފްތާއަކު ގުރުއަތެއް ނެގުމަށް ވަނީ ހަމަޖެހިފަ އެވެ. މި ގުރުއަތުން ހޮވޭ ނަސީބުވެރި ފަރާތަކަށް ހިލޭ ކުކުޅު ކުރަނޑި ކޭހެއް ލިބިގެންދާނެ އެވެ.

ކުކުޅު ފިހާރައަކީ ދިވެހިންނަށް ކަމުދާ ތަފާތު ރަހަތަކުގެ، އަގުހެޔޮ އަދި އިތުބާރު ހުރި އުފެއްދުންތަކެއް ފޯރުކޮށްދެމުންދާ ފިހާރައެކެވެ. އެ ފިހާރައިން އެކި ސައިޒުގެ ކުކުޅުގެ އިތުރުން، ސޮސެޖް، ބޯންލެސް ޗިކަން އަދި ޗިކަން ޑްރަމްސްޓިކް ކޭސް ވެސް ލިބެން ހުރެ އެވެ. މީގެ އިތުރުން ފިޔާ، އަލުވި، ބިސް، ތަރުކާރީ އަދި ޗީޒްގެ ތަފާތު ބާވަތްތައް ވެސް އެ ފިހާރައިން ލިބެން ހުރެ އެވެ.

ގަނޑުކުރި ކުކުޅުގެ އިތުރުން، މަޓަން، ލޭމްބް، ބީފް، ސީ ފުޑް، ޓާކީ އަދި އަސްދޫނި މަހުގެ ބާވަތްތަކާއި ގަނޑުކޮށްފައި ހުންނަ ތަރުކާރީގެ ބާވަތްތައް ވެސް ކުކުޅު ފިހާރައިން ހެޔޮ އަގުގައި ލިބެން ހުރެ އެވެ. އެ ފިހާރައިގެ އައުޓްލެޓްތަކުން ވިޔަފާރި ކުރާ ކަސްޓަމަރުންނަށް ކުކުޅު ހިލޭ ކޮށައިދިނުމުގެ ހިދުމަތާއި، ހިލޭ ޑެލިވަރީ ކޮށްދިނުމުގެ ހިދުމަތް ވެސް ފޯރުކޮށްދެ އެވެ.

މާލެ އަދި ހުޅުމާލޭގައި ދިރިއުޅޭ ފަރާތްތަކަށް ޑެލިވަރީގެ ހިދުމަތް ހޯދުމަށް ހާއްސަ ނަންބަރުތަކެއް ވަނީ ކަނޑައަޅާފަ އެވެ. އެގޮތުން ހުޅުމާލެއިން ނަމަ 9666575 އަށް އަދި މާލެއިން ނަމަ 9986575 އަށް ގުޅައިގެން ޑެލިވަރީގެ ހިދުމަތް ހޯދޭނެ އެވެ. މީގެ އިތުރުން، އަތޮޅުތެރޭގެ ރަށްރަށުގެ ވިޔަފާރިވެރިން ގަނޑުކޮށް މުދާ ގަންނަ ނަމަ، އެ ފަރާތްތަކުން ބޭނުންވާ ބޯޓުފަހަރަށް މުދާ ޑެލިވަރީ ކޮށްދިނުމުގެ ހިދުމަތް ވެސް އެ ފިހާރައިން ފޯރުކޮށްދެ އެވެ.

ކުކުޅު ފިހާރައިން ރާއްޖެއަށް އަލަށް ތައާރަފުކުރާ އުފެއްދުންތަކާއި، އެ ކުންފުނިން ހިންގާ ތަފާތު ޕްރޮމޯޝަންތަކުގެ މައުލޫމާތު އެ ފިހާރައިގެ ފޭސްބުކް ޕޭޖުންނާއި 9986575 ނަންބަރު ފޯނުން ލިބޭނެ ކަމަށް އެ ފިހާރައިން މައުލޫމާތުދެ އެވެ.