އެޗްއޭއެފް އައިލޭންޑް ކަޕްގެ ގުރުނަގައިފި

ރައިޒިންގ ސްޓާސް ފޯ ވިލިފުށީ ރެކްރިއޭޝަނުން އިންތިޒާމުކޮށްގެން ބާއްވާ އެޗްއޭއެފް އައިލޭންޑް ކަޕްގެ ނަމުގައި ބާއްވާ ފުޓްސަލް މުބާރާތުގެ ގުރު ނަގައިފި އެވެ.

އަންނަ ހޯމަ ދުވަހު ފަށާ މި މުބާރާތް ކުރިޔަށްދަނީ ހަތަރު ގްރޫޕަކަށް ބަހާލައިގެންނެވެ.

މި މުބާރާތުގައި ރަށް ރަށުން ޖުމްލަ 20 ޓީމު ބައިވެރިވެފައިވާއިރު، ގްރޫޕް އޭގައި ހިމެނެނީ ތ.ތިމަރަފުށި، ތ.ބުރުނި، ތ.ގާދިއްފުށި، މ.ކޮޅުފުށި އަދި މ.މުލި އެވެ. ގްރޫޕް ބީގައި ހިމެނެނީ ރ.އަލިފުށި، ގދ.މަޑަވެލި، ދ.ކުޑަހުވަދޫ، ކ.ގުޅި އަދި ތ.ވޭމަންޑޫ އެވެ. ގްރޫޕް ސީގައި ހިމެނެނީ ބ.ހިތާދޫ، ޅ.ކުރެންދޫ، ކ.ތުލުސްދޫ، ސ.ފޭދޫ އަދި ކ.މާލެ އެވެ. ގްރޫޕް ޑީގައި ހިމެނެނީ ދ.މާއެނބޫދޫ، ފ.ނިލަންދޫ، ބ.ކިހާދޫ، ލ.ގަން އަދި ރ.އިނގުރައިދޫ އެވެ.

މުބާރާތް ކުރިޔަށްދާނީ ހަތަރު ގްރޫޕުން އެންމެ ގިނަ ޕޮއިންޓް ހޯދާ ދެޓީމު ކުއާޓާ އަށް ގޮސް، ސެމީ ކުޅުމަށްފަހު ފައިނަލް ކުޅޭ ގޮތަށެވެ. މުބާރާތުގެ ތިންވަނަ ހޮވާ މެޗެއް ކުޅޭއިރު، ފައިނަލް މެޗު ކުޅެން ހަމަޖެހިފައިވަނީ މި މަހު 28 ވަނަ ދުވަހު އެވެ.

މި މުބާރާތުގެ މަގުސަދަކީ ރަަށް ރަށަށް ނިސްބްތަވާ މީހުން ކުޅިވަރުގެ ތެރެއިން ބައްދަލުވެ އަދި ފުޓްސަލްގެ ފޯރި އިތުރު ކުރުން ކަމަށް ރައިޒިންގ ސްޓާސް ފޯ ވިލުފުށީ ރިކްރިއޭޝަނުން މައުލޫމާތުދެއެވެ. މުބާރާތުގެ ޗެމްޕިއަން ޓީމަށް 50،000ރ. ދިނުމަށް ވަނީ ހަމަޖެހިފައެވެ. މި މުބާރާތް މިދިޔަ 3 އަހަރު ކާމިޔާބުކަމާއެކު ކުރިއަށްގެންދިޔައިރު މިދިޔަ އަހަރުގެ ޗެމްޕިއަންކަން ޓީމަކީ ބ. ހިތާދޫއެވެ. މިދިޔަ އަހަރު މި މުބާރާތުގައި ޖުމްލަ 32 ރަށަކުން ވަނީ ބައިވެރިވެފައެވެ.