ބޭރަށް ހިންގުމާއި ހޮޑުލާ ރޯގާ ދަނީ އިތުރުވަމުން: އެޗްޕީއޭ
މި ދުވަސްވަރު ބޭރަށް ހިންގުމާއި ހޮޑުލުމުގެ ރޯގާ އިތުރުވަމުންދާތީ، ސައިބޯނިލައިގެން އަތްދޮވުމާއި ކާބޯތަކެތީގެ ސާފުތާހިރުކަމަށް ސަމާލުވުމަށް އެޗްޕީއޭއިން އިލްތިމާސްކޮށްފި. ބަލިޖެހިއްޖެނަމަ ގިނައިން ދިޔާތަކެތި ބޭނުންކުރުމަށް އިރުޝާދުދީފައިވާއިރު، ސްކޫލްތައް ހުޅުވުނު ފަހުން މި ބަލީގައި ޑޮކްޓަރަށް ދައްކާ ކުޑަކުދިންގެ އަދަދު އިތުރުވަމުންދާކަން ހޮސްޕިޓަލްތަކުން ފާހަގަކުރެ. އެހެންކަމުން ބަލިން ރައްކާތެރިވުމަށްޓަކައި އަމިއްލަ ސާފުތާހިރުކަމަށް ޚާއްސަ ސަމާލުކަމެއް ދިނުމަކީ މުހިންމު ކަމެއް.
ހޮސްޕިޓަލެއްގެ ކޮރިޑޯގައި މެޑިކަލް ސްޓާފަކު ހަރަކާތްތެރިވަނީ | ގެޓީ އިމޭޖަސް
މި ދުވަސްވަރު, ބޭރަށް ހިންގުމާއި ހޮޑުލުމުގެ ރޯގާ އަދިވެސް ދަނީ އިތުރުވަމުން ކަމަށް, ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭއިން ވިދާޅުވީ މި ދުވަސްވަރު ބޭރަށް ހިންގުމާއި ހޮޑުލުން ދަނީ އިތުރުވަމުން ކަމަށެވެ. އެހެންކަމުން ބަލިން ރައްކާތެރި ވުމަށް ގިނަގިނައިން ސައިބޯނި ލައިގެން އަތް ދޮވުން އިތުރު ކުރުމަށް އެދިފައިވެ އެވެ.
އެޗްޕީއޭއިން ވަނީ ބޭރަށް ހިންގުމާއި ހޮޑުލުމުން ރައްކާތެރިވުމަށް މުހިންމު ފިޔަވަޅުތަކެއް އެޅުމަށް އިލްތިމާސްކޮށްފަ އެވެ. އެގޮތުން ކެއުމުގެ ކުރިން ސައިބޯނިލައިގެން ރަނގަޅަށް އަތޮދޮވުން، ފާޚާނާ ކުރުމަށްފަހު އަދު ނެޕީ ބަދަލުކުރުމަށްފަހު ސައިބޯނިލައިގެން ރަނގަޅަށް އަތްދޮވުން އަދި ކާބޯތަކެތި ރަނގަޅަށް ކައްކައިގެން ބޭނުންކުރުމާއި، ރޯ ތަރުކާރީއާއި މޭވާ ރަނގަޅަށް ދޮވެގެން ބޭނުންކުރުން - ކެއްކުމަށާއި ފެން ބުއިމަށް ފުޅީގައި ރައްކާކުރާއިރު ރައްކާކުރާ ތަނަކީ ސާފުތާހިރު ތަނެއްތޯ ބެލުމާއި ކާބޯތަކެތިތައްޔާރުކުރާ ތަންތަނާއި ތަކެތި ރަނގަޅަށް ދޮވެ ސާފުކުރުމަށް ވަނީ އިލްތިމާސްކޮށްފަ އެވެ.
މީގެ އިތުރުންވެސް އެޗްޕީއޭއިން ވަނީ ބޭރަށް ހިންގުމާއި ހޮޑުލުން ޖެހިއްޖެ ނަމަ ގިނަގިނައިން ލޮނުޕެކެޓު، ސޫޕް، ކުރުނބާފެން ފަދަ ދިޔާތަކެތި ބޭނުންކުރުމަށް އިރުޝާދުދީފަ އެވެ.
ބޭރަށް ހިންގުމާއި ހޮޑުލެވޭތީ ޑޮކްޓަރަށް ދައްކާ މީހުން ސުކޫލުތައް ހުޅުވުނު ފަހުން އިތުރުކަން ހުޅުމާލެ ހޮސްޕިޓަލްތަކުން ފާހަގަކުރި އެވެ. ޚާއްސަކޮށް، ޑޮކްޓަރަށް ދައްކާ ކުޑަކުދިން އިތުރުކަމަށް ވަނީ ބުނެފަ އެވެ.
